பெண்களுக்கு எதிரான கிரிமினல் வழக்குகளில் 48 எம்.பி., எம்.எல்.ஏ.,க்கள்

by rammalar Fri Apr 20, 2018 3:35 pm

-
புதுடில்லி :
பாலியல் வன்கொடுமை உள்ளிட்ட பெண்களுக்கு எதிரான
கிரிமினல் நடவடிக்கையில் ஈடுபட்டு 48 எம்.பி., எம்.எல்.ஏ.,க்கள்
வழக்குகளை எதிர்கொண்டு வருவது ஏ.டி.ஆர்., வெளியிட்ட
அறிக்கையில் தெரிவிக்கப்பட்டுள்ளது.

கிரிமினல் வழக்கு:

இதுகுறித்து ஜனநாயக சீர்திருத்தங்களுக்கான கூட்டமைப்பு
(ஏ.டி.ஆர்.,) வெளியிட்ட அறிக்கையில் கூறப்பட்டுள்ளதாவது:
1,580 எம்.பி., எம்.எல்.ஏ.,க்கள் மீது கிரிமினல் வழக்கு நிலுவையில்
உள்ளது.

இதில் 48 பேர் மீது பெண்களுக்கு எதிரான கிரிமினல்
நடவடிக்கையில் ஈடுபட்டது தொடர்பான வழக்குகள் நிலுவையில்
உள்ளது. 48 பேரில் 45 பேர் எம்.எல்.ஏ.,க்கள், 3 பேர் எம்.பி.,க்கள்.

பா.ஜ.,வில் அதிகம்:

அதிகபட்சமாக பா.ஜ., கட்சியை சேர்ந்த 12 பேர் மீதும்,
சிவசேனாவை சேர்ந்த 7 பேர் மற்றும் திரிணாமுல் காங்.,
கட்சியில் 6 பேர் மீது பெண்களுக்கு எதிரான கிரிமினல்
நடவடிக்கை வழக்கு பதிவு செய்யப்பட்டுள்ளது.

தேர்தலின் போது தாக்கல் செய்யப்பட்ட பிராமண பத்திரத்தை
ஆய்வு செய்ததில் இத்தகவல் தெரியவந்துள்ளது. இவ்வாறு
அந்த அறிக்கையில் தெரிவிக்கப்பட்டுள்ளது.

மேலும், அனைத்து கட்சிகளும் பெண்களுக்கு எதிரான
கிரிமினல் நடவடிக்கையில் ஈடுபட்டவர்களுக்கு தேர்தலில்
போட்டியிட வாய்ப்பு வழங்கியுள்ளன எனவும் அந்த
அறிக்கை தெரிவித்துள்ளது.
-
----------------------------
தினமலர்