உ.பி,யில் ஒருவர் கூட தேர்ச்சி பெறாத 150 பள்ளிகள்

by rammalar Tue May 01, 2018 7:41 pm

-
லக்னோ:
உ.பி.,யில் சமீபத்தில் வெளியிடப்ப்டட பத்தாம் வகுப்பு மற்றும்
பிளஸ் 2 தேர்வில் பல மாவட்டங்களில் உள்ள 150 பள்ளிகளில்
ஒரு மாணவர் கூட தேர்ச்சி பெறாதது அதிகாரிகள் மத்தியில்
அதிர்ச்சியை ஏற்படுத்தியுள்ளது.

தேர்வு முடிவு அறிவிப்பு

உ.பி., மாநிலத்தில் சமீபத்தில் பத்தாம் வகுப்பு மற்றும் பிளஸ் 2
தேர்வுகள் நடந்து முடிந்தன. மாநிலத்தில் மொத்தமுள்ள
75 மாவட்டங்களில் 50 மாவட்டங்களை கவனிக்கத்தக்கவையாக
மாநில கல்வித்துறை அறிவித்துள்ளது. இந்த தேர்வு முடிவுகள்
கடந்த ஞாயிறு(ஏப்.,29) அன்று வெளியிடப்பட்டன.

கவனிக்கத்தக்கவை என அறிவிக்கப்பட்ட பெரும்பாலான
மாவட்டங்களில் உள்ள 150 பள்ளிகளில், ஒரு மாணவர்கூட
தேர்ச்சி பெறவில்லை. இதில் அரசு மற்றும் அரசு உதவி பெறும்
பள்ளிகளும் அடக்கம்.

எங்கு அதிகம்

அலகாபாத் மாவட்டத்தில் 6 பள்ளிகள், அஜம்கார்க்கில்
6 பள்ளிகள், பைராச், மிர்சாப்பூர், மாவு மற்றும் ஹார்தாய்
மாவட்டங்களில் தலா 5 பள்ளிகள், அவுரியா, கவுசாம்பி,
கன்னூஜ், மதுரா, லக்மிபுர் கெரி, மெயின்புரி, அலிகார்க்,
அம்பேத்கர் நகர், ஹத்ராஸ், பஸ்தி, கோரக்பூர், ஜூவான்பூர்,
அம்ரோஹா, தியோரியா, லக்னோ மற்றும் ஆக்ராவில் தலா
ஒரு பள்ளிகளில் ஒரு மாணவர் கூட தேர்ச்சி பெறவில்லை.

விளக்கம்

இது தொடர்பாக உ.பி., மாநில கல்வி வாரிய செயலர்
நீனா ஸ்ரீவத்சவா கூறுகையில், இந்த வருடம் மாணவர்கள்
தேர்வில் காப்பியடிப்பதை தவிர்க்க பல கட்டுப்பாடுகள்
விதிக்கப்பட்டன.

பல பள்ளிகளில் குறைந்தளவு மாணவர்களே தேர்வில்
பங்கேற்றனர். சம்பந்தப்பட்ட பள்ளிகளிடம் விளக்கம்
கேட்கப்படும். அவர்களின் அறிக்கைக்கு பின் வாரியம்
இது குறித்து நடவடிக்கை எடுக்கும் என்றார்.
-
-----------------------------------
தினமலர்