சில பயனுள்ள தகவலகள் {முடி வளர,மூக்கடைப்பு சரியாக,தொண்டைக் கோழை தீர,சொத்தைப்பல் குணமாக,

1.நாயுருவி (Achyranthes aspera)

நாயுருவி வேரைச் சூரணம் செய்து வைத்துக் கொண்டு பல் துலக்கி வரப் பல் துப்புரவாகும்; பற்களின் கறை நீங்கும்; 1/2 முதல் 1 கிராம் வரை உண்டு வர உடல் வலுவாகும்.

2. சடாமஞ்சில் (Narcodacts jatamansi)

சடாமஞ்சிலைத் தேங்காய் எண்ணெயில் கலந்து தலையில் தேய்த்து வர கூந்தல் வளரும்.

3. ஓமம் (Carum roxburgianum)
ஓமத்தை இலேசாக வறுத்துப் பொடி செய்து 2 கிராம் எடுத்து அத்துடன் 1 கிராம் பச்சைக் கற்பூரம் சேர்த்து வெள்ளைத் துணியில் கட்டி நுகர, மூக்கடைப்பு, மூக்குநீர் பாய்தல், பீனிசம் ஆகியன தீரும்.

4. தும்பை (Leucus aspera)

தும்பைப் பூவைக் காய்ச்சிய பாலில் கலந்து உண்டுவரத் தொண்டையில் கட்டிய கோழை வெளியாகும்.

5. மணித்தக்காளி (Solanum nigrum)

மணித்தக்காளி இலைகளை நெய்யிலிட்டு வதக்கி மசித்து உணவில் சேர்த்து உண்டு வர வாய்ப்புண், உட்காய்ச்சல் ஆகியன தீரும்.

6. கண்டங்கத்தரி (Solanum xanthocarpum)

கண்டங்கத்தரிப்பழ விதையைக் காய வைத்து அனலில் இட்டு வரும் புகையை வாயில் படும்படி செய்ய சொத்தைப்பல் குணமாகும்; பல்வலிகுறையும்.


(தமிழக அரசு வெளியிட்ட 'இந்திய மருத்துவ முறைகள்' என்னும் நூலிலிருந்து)

நன்றி

தகவலுக்கு நன்றி