50 பேருடன் கிளிநொச்சியிலிருந்து பயணித்த தனியார் பஸ்ஸை இழுத்துச் சென்றது வெள்ளம்!

கிளிநொச்சியிருந்து கொழும்பு நோக்கிப் பயணித்துக் கொண்டிருந்த தனியார் பஸ் ஒன்று சிலாபம் பகுதியில் வெள்ளத்தினால் இழுத்துச் செல்லப்பட்டிருக்கிறது.
இருந்த போதிலும் பயணிகள் 50 பேரும் காப்பாற்றப்பட்டுள்ளதாக பொலிஸார் தெரிவித்தனர்.

சிலாபம், லுணுவில பாலத்திற்கருகில் வெள்ளத்தில் சிக்கி இழுத்துக்கொண்டு செல்கையிலேயே பஸ்ஸிலிருந்த சகலரையும் காப்பாற்றியதாக பொலிஸார் தெரிவித்தனர்.

நேற்று பிற்பகல் இந்தச் சம்பவம் இடம்பெற்றுள்ளது.

சிலாபத்தில் ஏற்பட்ட வெள்ளப்பெருக்கினாலேயே இச்சம்பவம் இடம்பெற்றுள்ளதாகத் தெரிவிக்கப்படுகிறது.

இந்தச் சம்பவத்தையடுத்து இந்த வீதியுடனான போக்குவரத்துகள் அனைத்தும் ரத்துச் செய்யப்பட்டள்ளதாக தெரிவிக்கப்படுகிறது.