நித்யானந்தா சாமியார் அல்ல; ஜாமீன் மனுவில் வக்கீல் தகவல்

பாலியல் புகாரில் சிக்கிய நித்யானந்தா சாமியார் பெங்களூர் ஜெயிலில் அடைக்கப்பட்டு உள்ளார்.

அவர் ஜாமீன் கேட்டு தாக்கல் செய்த மனு மீது பெங்களூர் ஐகோர்ட்டில் விசாரணை நடந்தது. அவரது சார்பில் வக்கீல் பி.வி.ஆச்சார்யா ஆஜராகி வாதாடினார். அப்போது நீதிபதி சுபாஷ் சாமியார் என்று கூறிக்கொள்ளும் நித்யானந்தா தன்னுடன் பெண்ணை காரில் அழைத்து செல்வது அவருடைய பக்தர்கள் மனதை காயப்படுத்துவதாக ஆகாதா? என்று கேட்டார்.

இதற்கு பதில் அளித்த வக்கீல் ஆச்சார்யா கூறியதாவது:-

நித்யானந்தா, சாமியார் அல்ல. அவர் தன்னை ஒரு போதும் சாமியார் என்று சொல்லிக்கொண்டது இல்லை. சில ஆசிரமங்களில் குடும்ப வாழ்க்கை ஏற்றுக் கொள்ளப்படுகிறது. எனவே நித்யானந்தாவையும் சாதாரண மனிதராகத்தான் எடுத்துக்கொள்ள வேண்டும். இந்த வழக்கையும் சாதாரண விஷயமாகவே எடுத்துக் கொள்ள வேண்டும்.

நித்யானந்தா தொடர்பாக வெளியான சி.டி. போலியானதாக இருக்க வாய்ப்பு உள்ளது.

இவ்வாறு அவர் கூறினார்.