உயர்ந்த அழகிக்கு கிடைத்த காதலன்

by பூ.சசிகுமார் Thu Dec 27, 2012 11:29 pm

உலகிலேயே மிகவும் உயரமான டீன் ஏஜ் பெண் என்ற பெருமையைக் கொண்ட பிரேசில் நாட்டின் 17 வயதுப் பெண் எலிசனி டா குரூஸ் சில்வா, தனது 22 வயது காதலருடன் பிரேசில் கடற்கரையைச் சுற்றி வந்ததை பெரும் திரளானோர் கூடி வேடிக்கை பார்த்தனர்.

இந்த வித்தியாசமான ஜோடி எங்கு போனாலும் அங்கு கூட்டம் கூடி விடுகிறதாம். 17 வயதான எலிசனியின் உயரம் 6 அடி 8 அங்குலம். இவரது காதலர்தான் பிரான்சினால்டோ டா சில்வா கார்வால்ஹோ- வின் உயரம் 5 அடி 4 அங்குலம்.

இவர்கள் தங்களின் உயரப் பொருத்தத்தை பற்றியும், மற்றவர்கள் இவர்களை கேலி கிண்டல் செய்வதையும் சிறிதும் கவலைப்படுவதில்லை.

எலிசனியின் பிட்யூட்டரி சுரப்பியில் ஏற்பட்ட ஒரு கட்டி காரணமாகவே அவருக்கு அபரிமிதமான வளர்ச்சி ஏற்பட்டு இப்படி உயரமாகி விட்டாராம். மருத்துவர்கள் தற்போது அந்தக் கட்டியை அகற்றி விட்டதால் மேலும் உயருவது நின்று விட்டது.

தனது உயரம், காதல் குறித்து அவர் கூறுகையில், எனது காதலரின் பெர்சனாலிட்டிதான் எனக்கு மிகவும் பிடித்திருந்தது. மிகவும் அன்பாகவும், எளிமையாகவும், மற்றவர்களிடம் இரக்கத்துடனும் பழகுவார். எங்களது மாறுபட்ட உயரம் காரணமாக எங்களுக்குள் எந்தப் பிரச்சினையும் வந்ததில்லை.

நாங்கள் இருவரும் சேர்ந்து வெளியே செல்லும் போது அவரைப் பார்த்தால் எனது மகன் அல்லது தம்பி போலத் தெரிவார். ஆனால் இதையெல்லாம் நினைத்து நான் கஷ்டப்பட்டதில்லை. உண்மையில் நான் அவரைத் தேர்வு செய்யவில்லை கடவுள் தான் இந்தத் தேர்வை செய்தவர் என்று கூறுகிறார் எலிசனி.

உயர்ந்த அழகிக்கு கிடைத்த காதலன் Brazillover004w540