வெளிநாட்டு வாழ் இந்தியர்களின் வாக்குரிமை சட்டதிருத்தம் முழு பயன் இல்லை

வெளிநாட்டு வாழ் இந்தியர்களின் வாக்குரிமை சட்டதிருத்தம் முழு பயன் இல்லை!


வெளிநாட்டு வாழ் இந்தியர்களை என்.ஆர்.ஐ. என்று அழைக்கிறோம். அவர்களுக்கு விரைவில் வாக்குரிமை வழங்கும் வரைவு மசோதா ஒன்றை மத்திய அமைச்சர்கள் குழு முன்மொழிந்துள்ளது.
அயல்நாட்டு விவகார அமைச்சகம் 4 ஆண்டுகளுக்கு முன்பு உருவாக்கிய இந்த வரைவு மசோதாவை பாதுகாப்பு அமைச்சர் ஏ.ஏ.அந்தோனி தலைமை மத்திய அமைச்சரவை குழு இன்று சட்ட மசோதாவிற்காக மத்திய அமைச்சரவை பரிசீலனைக்கு அனுப்பியுள்ளது.
மத்திய அரசு இந்த மசோதாவை 2006ஆம் ஆண்டு ராஜ்ய சபாவிற்கும் பின்பு நாடாளுமன்ற நிலைக்குழுவின் பார்வைக்கும் அனுப்பப்பட்டு இறுதியாக அமைச்சர்கள் குழுவிடம் ஒப்படைக்கப்பட்டது.
தற்போதைய விதிமுறைகளின் படி தொடர்ந்து 6 மாதங்களுக்கு இந்தியாவை விட்டு வெளி நாட்டிலிருந்தால் அவர்களின் பெயர் வாக்காளர் பட்டியலிலிருந்து நீக்கப்படும். தற்போது இந்த விதிமுறை மாற்றப்படவுள்ளது.
ஆனாலும் அயல்நாட்டிலிருந்தபடியே வாக்களிக்க அனுமதி இல்லை. தேர்தல் நாளில் அவர் இந்தியாவில் அவரது தொகுதியில் இருக்கவேண்டும் என்பது அவசியம்.
அயல்நாட்டிலிருந்தபடி வாக்களிக்க அனுமதி இல்லை என்பதால் இந்த சட்டம் முழுமையான பயனில்லை என்றாலும் புதிய சட்டம் சற்று ஆறுதல் தருவதாக‌ என்று வெளிநாட்டு வாழ் இந்தியர்கள் சிலர் தமிழ்நிருபரிடம் கருத்து தெரிவித்தார்கள்