அரசு ஊழியரை செருப்பால் அடித்த பெண்!

தூத்துக்குடி: ரேஷன் கடையில் பணிபுரியும் அரசு ஊழியரை பெண் ஒருவர் செருப்பால் அடித்ததால் அங்கு பரபரப்பு ஏற்பட்டது.




தூத்துக்குடி கால்டுவெல் காலனியில் உள்ள
அமுதம் சிறப்பு அங்காடியில் தமிழழகன் (52) என்பவர் பட்டியல் எழுத்தராகப்
பணிபுரிகிறார். அங்கு வந்த உத்ரம் என்ற பெண் குடும்ப அட்டையில் உள் தாள்
ஒட்டுவதற்காக தமிழகனிடம் கொடுத்துள்ளார். ஆனால் அவர் கொண்டு வந்த குடும்ப
அட்டை அவருடைய மகன் பெயரில் ஆனது.

இந்நிலையில், உள் தாள் ஒட்டுவதற்கு
குடும்ப அட்டைதாரரான அவரது மகன் நேரில் வரவேண்டும் என்று தமிழழகன்
கூறியுள்ளார். இதனால் அங்கு இருவருக்கிடையேயும் வாக்குவாதம் நீண்டுள்ளது.
ஒருகட்டத்தில் உத்ரம் தமிழழகனை செருப்பால் அடித்துள்ளார். இதனால் அங்கு
பரபரப்பு ஏற்பட்டது.

உடனே உத்ரம் அங்கிருந்து ஓடிவிட்டதாகக்
கூறப் படுகிறது. இதுகுறித்து வழக்குப் பதிவு செய்த காவல்துறையினர்,
உத்ரத்தை தேடி வருகின்றனர்.