8500 வருடங்கள் பழமையான மனித எலும்புகள் இஸ்தான்புலில் கண்டுபிடிப்பு.....

சுமார் 8500 வருடங்கள் பழமையானதும் நியோலிதிக் யுகத்தைச் சேர்ந்ததுமான
மனித எலும்புச் சுவடுகள் துருக்கியின் இஸ்தான்புலில் அமைந்துள்ள பெண்டிக்
மாவட்டத்தில் கண்டுபிடிக்கப் பட்டுள்ளது.


இந்த அகழ்வாய்வு இஸ்தான்புலில் உள்ள தொல்பொருள் அருங்காட்சியகத்தால்
கடற்கரையில் இருந்து 50 மீற்றர் தொலைவில் 8500 வருடங்களுக்கு முற்பட்ட
கிராமம் ஒன்றில் மேற் கொள்ளப்பட்டுள்ளது.


மேலும் இந்த எலும்புச்
சுவடுகள் அகழப்பட்ட சவச்சாலைப் பகுதியில் பண்டைய வீடுகளும் நீர்ப்பாசன
வசதிகள் நிலவிய சான்றுகளும் கிடைக்கப் பெற்றுள்ளன. அதாவது அக்கால மக்கள்
பாவித்த ஊசிகள், கரண்டிகள், கூழாங்கற்கள் மட்டுமன்றி பைஷான்டியம் யுகத்தைச்
சேர்ந்த மங்கல் சிவப்பு நிறமுடைய இரத்தினங்களும் கூட கண்டுபிடிக்கப்
பட்டுள்ளன. மிக அதிகளவாகக் கண்டு பிடிக்கப் பட்டுள்ள கடற் சிப்பிகளில்
இருந்து இஸ்தான்புல் மக்களின் மூதாதையர் தமது உணவில் மிகுந்தளவு கடல்
உயிரினங்களையும் சேர்த்து வந்துள்ளது தெரிய வந்துள்ளது.

இத்தொல்பொருட்
கண்டுபிடிப்புக்கள் யாவும் யெனிக்கப்பி-பெண்டிக் இடையேயான ரயில்வே பாதை
அமைக்கும் செயற்திட்டத்தை மேற்கொண்ட போதே தற்செயலாகக் கண்டு பிடிக்கப்
பட்டமை குறிப்பிடத்தக்கது. தற்போது தொல்பொருளியலாளர்கள் யெனிகப்பி மற்றும்
பெண்டிக்கை முற்றுகையிட்ட மக்களுக்கிடையேயான உறவை அறிந்து கொள்ளும் ஆவலில்
முயன்று வருகின்றனர்.

அறியத்தந்தமைக்கு நன்றி

முரளிராஜா wrote:அறியத்தந்தமைக்கு நன்றி

நன்றி

அறிய தகவலுக்கு நன்றி நிலவு

செந்தில் wrote: அறிய தகவலுக்கு நன்றி நிலவு

நன்றி செந்தில்