986 ஆண்டுகளுக்கு பின் சிவன் கோவிலில் கும்பாபிஷேகம்

by Guest Wed Jun 23, 2010 3:14 pm

986 ஆண்டுகளுக்கு பின் சிவன் கோவிலில் கும்பாபிஷேகம்

986 ஆண்டுகளுக்கு பின் சிவன் கோவிலில் கும்பாபிஷேகம் EmailButton

on 23-06-2010 02:54

986 ஆண்டுகளுக்கு பின் சிவன் கோவிலில் கும்பாபிஷேகம் New

Favoured : None

Published in : செய்திகள், தமிழகம்

அரியலூர் அருகில் உள்ள பெரியமறை சிவன் கோவிலில் கும்பாபிஷேகம் கடந்த 986 ஆண்டுகளாக நடத்தப்படாமல் இருந்துள்ளது. தற்போது 986 ஆண்டுகளுக்கு பிறகு, நாளை 24ம் தேதி இந்த கோவிலில் கும்பாபிஷேகம் நடத்த முடிவு செய்யப்பட்டுள்ளது.

அரியலூர் மாவட்டம், திருமானூர் அருகே, கொள்ளிடம் ஆற்றின் வடக்கு கரையில் உள்ளது பெரியமறை கிராமம். சோழ மன்னன் முதலாம் குலோத்துங்க சோழன் காலத்தில் அகலங்கபுரம் என்ற பெயரில், மிக சிறந்த வணிக நகரமாக விளங்கிய இவ்வூரில், ஸ்ரீவேதநாயகி சமேத வேதபுரீஸ்வரர் கோவில் உள்ளது. இக்கோவிலின் ஜீர்னோத்தாரன அஷ்ட பந்தன மகாகும்பாபிஷேகம், நாளை 24ம் தேதி காலை 10.15 மணிக்கு நடக்கிறது. தொடர்ந்து விநாயகர், சண்டிகேஸ்வரர், துர்க்கையம்மன் மற்றும் நவகிரஹங்களுக்குமான கும்பாபிஷேகம் நடக்கிறது. மிகவும் சிதலமடைந்திருந்த இக்கோவில், பொதுமக்கள் மற்றும் வெளிநாடுகளில் வசிக்கும் அன்பர்களின் நன்கொடையால் திருப்பணி செய்யப்பட்டு, 986 ஆண்டுகளுக்கு பிறகு, நாளை 24ம் தேதி பெரியமறை வேதபுரீஸ்வரர் கோவில் கும்பாபிஷேகம் நடப்பதாக, கோவிலின் அறங்காவல் குழு தலைவர் முத்துலிங்கம் கூறியுள்ளார். கும்பாபிஷேகத்துக்கான யாகசாலை பூஜைகள், 22ம் தேதி காலை 7 மணிக்கு, விக்னேஸ்வர பூஜை, கணபதி ஹோமம், நவக்கிரஹ ஹோமத்துடன் துவங்கியது.