கமலின் ரத்தத்தை ருசி பார்க்காதீர்கள்: பாரதிராஜா காட்டமான அறிக்கை

by nilavu Sun Jan 27, 2013 3:58 pm

கமலின் ரத்தத்தை ருசி பார்க்காதீர்கள்: பாரதிராஜா காட்டமான அறிக்கை

விஸ்வரூம் படத்துக்கு தடை விதித்துள்ள நிலையில் சினிமாவில் உள்ள அத்தனை
அமைப்புகளும் கருத்து சொல்லாமல் அமைதி காத்து வருகின்றன. இந்த நிலையில்
இயக்குனர் பாரதிராஜா விடுத்துள்ள காட்டமான அறிக்கை வருமாறு

தங்களை
படைப்பாளிகள், கலைஞர்கள் என்று சொல்லிக் கொள்ளும் திரையுலக சகோதரர்கள் ஏன்
விஸ்வரூபம் விஷயத்தில் வாய்மூடி மவுனமாக இருக்கிறார்கள். ஒரு சிலர்
மட்டும்தான் ஆதரிக்க வேண்டுமா? அவர்கள் மட்டும்தான் கலைஞர்களா? திரையுலகில்
இத்தனை அமைப்புகள் இருந்தும், பிளவுபட்டு கிடப்பதாலோ, தனிப்பட்ட
மனமாச்சரியங்களாலோ, யாரும் வாய்திறக்க மறுக்கிறார்கள். நமக்குள் ஒற்றுமை
இல்லை. ஒன்றுபட்டால் உண்டு வாழ்வு. ஒற்றுமை நீங்கினால் அனைவருக்கும்
தாழ்வே.

விஸ்வரூபத்துக்கு
விதித்துள்ள தடை கமலுக்கு மட்டுமல்ல. இந்தியாவில் உள்ள ஒவ்வொரு
படைப்பாளிக்கும் விதிக்கப்பட்ட தடையாக கருதுகிறேன். கமல் என்ற தமிழ் கலைஞன்
வியாபாரதிற்காக தன்னை ஒருபோதும் அடகு வைத்தவன் அல்ல. சமூக பொறுப்புள்ளவன்.
திரையுலகில் மீசை வைக்காத பாரதி. இந்த சமூகத்தில் குழப்பம் விளைவிக்க
வேண்டும் என்று அவன் படம் எடுப்பானா. மத்திய அரசால் நியமிக்கப்பட்ட தணிக்கை
குழுவில் உள்ள முஸ்லிம் அங்கத்தினர் உள்பட அனைவரும் அங்கீகரித்த படம். அதை
தடை செய்ய வேண்டும் என்று சிலர் சொன்னால் இந்திய அரசியல் சட்டத்திடம் நாம்
எங்கே இருக்கிறோம் என்று நியாயம் கேட்க வேண்டும்.

படத்தை
பார்த்தவன் என்ற முறையில் சொல்கிறேன். உலகத்தரத்தில் ஒரு படம் எடுத்து இந்த
தமிழன் உலகில் உயர்ந்து நிற்கிறான். உலகில் நடந்த நிகழ்வுகளை, பார்த்தை,
கேட்டதை, உணர்ந்து வாழ்க்கையில் அனுபவித்ததை ஒரு சமூக வலியோடு பூடமாக
திரையில் சொல்வது ஒரு படைப்பாளியின் தார்மீக சுதந்திரம். ஒரு நல்ல கலைஞனை
தமிழ் திரையுலகிற்காக தன் வாழ்க்கையையே அர்பணித்துக் கொண்ட ஒரு கலைஞனை ஏதோ
ஒரு சில காரணங்களுக்காக அவனை காயப்படுத்தி அதில் வழியும ரத்தத்தை ருசி
பார்க்க எண்ணாதீர்கள்.இவ்வாறு பாரதிராஜா தனது அறிக்கையில் கூறியுள்ளார்.

தமிழ் -கருத்துக்களம்-