குதிகால் வலி (HEEL PAIN);

by செந்தில் Sat Feb 09, 2013 6:56 pm

குதிகால் வலி (HEEL PAIN);

காலை எழுந்தவுடன் படுக்கையைவிட்டு இறங்கும்போது திடீரென்று குதிகாலில் ஒரு பிடிப்புடன் கூடிய வலி வருகிறதா ?அப்படியென்றால் இது உங்களுக்கான பதிவே......!

குதிகால் வலிக்கான முக்கிய காரணம் PLANTAR FASCITIS(குதிகால் எலும்பை (CALCANEUM) உங்களுடைய கால் விரல்களுடன் இணைக்கும் ஒரு நீளமான பட்டையான திசுக்கற்றை (FASCIA))யில் ஏற்படும் வீக்கமேயாகும்.உங்களுடைய பாத வளைவை (ARCH OF FOOT) இதுவே முறையாக இருக்க உதவுகிறது.பொதுவாக இந்த திசுக்கற்றை (FASCIA)உறுதியானது மற்றும் வளையும் தன்மை கொண்டது .

ஆனால் வயது ,அதிக உடல் எடை ,குண்டும் குழியுமான ,கடினமான தரைகளில் அதிக நேரம் நிற்பதும் ,நடப்பதும்,நடக்கும்போது தவறானக் கோணங்களில் பாதத்தை ஊன்றுவதும் ,அதிக வேலை பளுவை ஒரு பாதத்தில் மட்டும் சுமத்துவது, எலும்புடன் இணைக்கும் மெல்லிய திசு கிழிதல் போன்ற காரணங்களால் குதிகாலில் வலியும்,வீக்கமும் ஏற்படலாம் .கெண்டைக்கால் தசை இறுக்கமும்கூட சிலநேரம் குதிகால் வலியை உருவாக்கக்கூடும்.

சிகிச்சை முறை :

1.நல்ல ஓய்வு

2.வலி நிவாரணிகள்

3.பிசியோதெரபி :

a)ஐஸ் ஒத்தடம் -5-10 நிமிடம்,

b)அல்ட்ரா சவுண்ட்தெரபி-10 நிமிடம்,

C)மிதமான வெந்நீரில் கால் பாதங்களை மூழ்க செய்வது-5 நிமிடங்கள்.

4.கெண்டைக்கால் மற்றும் காலில் உள்ள தசைகளின் இறுக்கத்தை தளர்த்த மசாஜ் மற்றும் பயிற்சிகள்
a)பாதங்களின் கீழ் ஒரு பந்தை வைத்து உருட்டுவது ,

b) டவலை வைத்து PLANTAR FASCIA ஸ்ட்ரெச்சிங் செய்வது ,

c)கெண்டைக்கால் தசை ஸ்ட்ரெச்சிங் ,

d)பாதங்களை மேலும் கீழும் ,உள்ளே வெளியே நகர்த்துவது

5.ORTHOTIC SHOE INSERTS

காலணிகளில் சிறு மாற்றங்களை செய்வது EG,

MCR மற்றும் ARCH SUPPORT கொடுப்பது ...