காதலர் தினம் - காதல் கவிதைகள்

by கவியருவி ம. ரமேஷ் Wed Feb 13, 2013 9:51 pm

காதலர் தினம் – கஸல் -1

நாம்
நம்பிக்கையின்
வார்த்தைகளால்
திருமணம் செய்துகொண்டோம்
நமக்கு ஏன்
நரகத்தில் நிச்சயிக்கப்பட்ட தாலி கயிறு?

கொஞ்சி கொஞ்சிப் பேசிய
சின்ன சின்ன ஆசைகளையும்
நம்மால்
நிறைவேற்றிக்கொள்ள
முடியாமல் போனது

காதலர்களைப் பார்க்கும்போது
சிரிப்புதான் வருகிறது
நமக்கு

by கவியருவி ம. ரமேஷ் Wed Feb 13, 2013 9:52 pm

காதலர் தினம் – கஸல் -2

பிரிந்தவர்களை
கண்டும்காணாமலும்
விட்டுவிடுகிறான் கடவுள்!
பிரிந்த காதலர்கள்
ஒரு நாளேனும்
பார்த்துக்கொள்ளத் துடிக்கிறார்கள்!

நாம் பரிமாறிக்கொண்ட
பரிசுப் பொருட்களைவிட
இன்று நாம்
சிந்தும் கண்ணீர்த்துளிகள்தான்
மிகவும் சிறந்தது

காதலர்கள்
ஏன் சாகத் துணிகிறார்கள்
என்கிறான் கடவுள்
கடவுளுக்கு
ஒன்றுமே தெரியவில்லையென்று
நினைத்துக் கொண்டேன்

by கவியருவி ம. ரமேஷ் Wed Feb 13, 2013 9:54 pm

காதலர் தினம் – கஸல் -3

எனக்கு எதற்குத் தாலி கயிறு?
உன் காதல்
என் கற்பைக் காக்கும்

இறந்த பின்னும்
உயிர்பெறும்
பீனிக்ஸ் பறவைபோல்தான்
பிரிந்த பின்னும்
உன்னையேதான் காதலிக்கிறேன்

கனவில்
ஓடோடி வருகின்றாய்
அருகிலேயே அமர்ந்திருந்தும்
சேர முடியாமல் போகிறோம்

by கவியருவி ம. ரமேஷ் Wed Feb 13, 2013 9:58 pm

காதலர் தினம் – கஸல் -4

இது என்ன விசித்திர கனவு
இருவருமாகச் சேர்ந்து
நம்மைப் பிரித்துவிட்ட
கடவுளுக்கு
நன்றி செலுத்திக் கொண்டிருக்கிறோம்!

கடந்த சில ஆண்டுகளைப்போலவே
இன்றையக் காதலர்தினத்திலும்
பரிசுப் பொருள்களோடும்
வாழ்த்து அட்டைகளோடும்
ரோஜாப் பூவோடும்
கை குலுக்கி
விடைபெறுகிறோம்
திருமண பேச்சு எடுக்காமல்

காதலர் தினம்
தேவையோ இல்லையோ
காதலர்கள் தேவை

by கவியருவி ம. ரமேஷ் Wed Feb 13, 2013 9:59 pm

காதலர் தினம் – கஸல் -5

திருமணம் ஆன பின்பும்
மறக்க முடியவில்லை!
காதலர் தின பொய்

இமைக்கும்போதும்
உன் ஞாபகம்
கண் மூடினால்
உன்னோடு வாழப்போகும்
வாழ்க்கை
வந்து பயமுறுத்துகிறது

எதற்கும் பயப்படாதவள் நான்
உன்னைக் காதலித்தபோது
பயம் வந்து
சூழ்ந்துகொண்டது

by முரளிராஜா Thu Feb 14, 2013 7:27 am

காதலர் தினத்துக்கான காதல் கவிதைகள் அருமை

by தமிழ்நிலா Thu Feb 14, 2013 8:44 am

நன்றாக உள்ளது ரமேஷ் அண்ணா

by பூ.சசிகுமார் Thu Feb 14, 2013 10:02 am

அருமை அண்ணா சூப்பர்

by செந்தில் Thu Feb 14, 2013 10:05 am

by கவியருவி ம. ரமேஷ் Thu Feb 14, 2013 12:36 pm

மகிழ்ச்சி...

by கவியருவி ம. ரமேஷ் Thu Feb 14, 2013 12:43 pm

காதலர் தினம் – கஸல் -6

காதல் முள் போன்றது
ரோஜாவுக்கு
முள்
பாதுகாப்புதானே?
இருந்தாலும்
பறிக்கப்படுவதில்லையா!

காதலின்
ரகசியம்
இன்றுதான் வெளிப்பட்டது

உனக்காக
எல்லாவற்றையும்
மாற்றிக்கொண்டேன்
நீ
மனதை மாற்றிக்கொள்ள மறுக்கிறாய்

by Sponsored content

காதலர் தினம் - காதல் கவிதைகள்

காதலர் தினம் - காதல் கவிதைகள்

Re: காதலர் தினம் - காதல் கவிதைகள்

Re: காதலர் தினம் - காதல் கவிதைகள்

Re: காதலர் தினம் - காதல் கவிதைகள்

Re: காதலர் தினம் - காதல் கவிதைகள்

Re: காதலர் தினம் - காதல் கவிதைகள்

Re: காதலர் தினம் - காதல் கவிதைகள்

Re: காதலர் தினம் - காதல் கவிதைகள்

Re: காதலர் தினம் - காதல் கவிதைகள்

Re: காதலர் தினம் - காதல் கவிதைகள்

Re: காதலர் தினம் - காதல் கவிதைகள்

Re: காதலர் தினம் - காதல் கவிதைகள்