துவையல்கள்:

துவையல்கள்:

பூண்டுத் துவையல்

தேவையான பொருட்கள்:

மிளகாய் வற்றல்- 10 எண்ணம்.

வெள்ளைப்பூண்டு- 20 பல்

புளி- சிறிது.

உப்பு- தேவையான அளவு.

நல்லெண்ணெய்- சிறிது.

கருவேப்பிலை, மல்லித்தழை- சிறிது.

செய்முறை:

1. மிளகாய் வற்றல், வெள்ளைப்பூண்டு, புளி, உப்பு என அனைத்தையும் சேர்த்து அரைக்கவும்.
2. அரைத்த துவையலில் கடுகு, உளுந்து கருவேப்பிலை மல்லித்தழை சேர்த்து தாளிக்கவும்.

குழிப்பனியாரம், வெள்ளைப் பனியாரம் சாப்பிட பூண்டுத் துவையல் சிறப்பாக இருக்கும்

இஞ்சித் துவையல்

தேவையான பொருட்கள்:

இஞ்சி - 50 கிராம்

வர மிளகாய் - 2 எண்ணம்

புளி - 20 கிராம்

உப்பு - தேவையான அளவு.

ந.எண்ணெய் - தேவையான அளவு

செய்முறை:

1. வாணலியில் எண்ணெய் ஊற்றிக் காய்ந்ததும், வர மிளகாயைப் போட்டு வறுக்கவும்
2. இதில் புளி, இஞ்சி போன்றவைகளை சிறு துண்டுகளாக்கிப் போட்டு வதக்கி எடுக்கவும்
3. வதக்கிய கலவையை அரைத்து எடுக்கவும்
4. அரைத்த துவையலை தாளிசம் செய்து கொள்ளலாம்.

• காரம் குறைவாக இருப்பது நல்லது. தக்காளி சேர்த்து அரைத்தாலும் நன்றாக இருக்கும்.

சிறு பருப்புத் துவையல்

தேவையான பொருட்கள்:

சிறு பருப்பு - 2 மேசைக் கரண்டி

தேங்காய்த் துருவல் - 2 மேசைக் கரண்டி

பச்சை மிளகாய் - 2 எண்ணம்.

பூண்டு பல் - 1எண்ணம்.

உப்பு - தேவையான அளவு.

கடலெண்ணை - 1 சிறிய மேசைக் கரண்டி

செய்முறை:

• சிறுபருப்பை சிவக்க எண்ணெய்யில் வறுத்துக் கொள்ளவும். அதனுடன் மீதி உள்ள தேங்காய்துருவல், பூண்டு, மிளகாய், உப்பு எல்லாவற்றையும் சேர்த்து கெட்டியாக அரைத்துக்கொள்ளவும். இந்தத் துவையல் பாசிப் பயறு கிச்சடிக்கு சூப்பர் காம்பினேஷன். உடம்பிற்கும் நல்ல குளிர்ச்சியை தரும்.