பென்ஷன் கொடுக்கும் மரங்கள்..!

பென்ஷன் கொடுக்கும் மரங்கள்..!
இயற்கை விஞ்ஞானி கோ. நம்மாழ்வார்...!


‘பசுமை விகடன் மற்றும் எழில்சோலை அறக்கட்டளை’ ஆகியவை இணைந்து, ஜனவரி 27 அன்று காஞ்சிபுரம் மாவட்டம், கைத்தண்டலம் கிராமத்தில் ‘மாபெரும் மரம் வளர்ப்பு’ கருத்தரங்கை நடத்தின. சுமார் ஆயிரம் விவசாயிகள் ஆர்வத்தோடு பங்கேற்ற இந்நிகழ்வில்...
கலகலப்பாக பேச்சைத் துவக்கிய இயற்கை வேளாண் விஞ்ஞானி கோ. நம்மாழ்வார்....

''ஒரே வகையான மரங்களை மட்டும் வளர்க்காம, பல அடுக்கு முறையில... பழங்கள் கொடுக்கும் மரம், தீவன மரம், உரங்களைக் கொடுக்கும் மரம், எரிவாயு கொடுக்குற மரம், வீட்டு உபயோகப் பொருட்கள் உற்பத்திக்கு உதவுற மரம், நார் மரம், தொழிற்சாலைகளுக்குத் தேவையான மரம், வேலிக்கு உதவுற மரம், மருத்துவ குணமுடைய மரம், இறுதிச் சடங்குகளுக்கு தேவையான மரம்னு 10 வகையான மரங்களை நட்டு தோட்டத்தைக் காடாக்கிட்டா போதும்... நமக்குத் தேவையான எல்லாத்தையும் அது கொடுத்துடும்.

அரசாங்க வேலை பார்க்கறவங்களுக்குக் கிடைக்குற பென்ஷன் மாதிரி... மரங்கள் வளர்ந்து நம்மோட கடைசி காலத்துக்கு பென்ஷன் கொடுக்கும் என்று அழகாக அடுக்கிய நம்மாழ்வார், இதையெல்லாம் சாத்தியமாக்கறதுக்குத் தேவையான யோசனைகளையும், தொழில்நுட்பங்களையும் ‘பசுமை விகடன்’ல தொடர்ந்து எழுதுறாங்க. ஒவ்வொரு ஊர்லயும் ஒரு ‘பசுமை விகடன் வாசகர் வட்ட’த்தை உருவாக்குங்க.

அதுல ‘பசுமை விகடன்’ல வர்ற கட்டுரைகளைப் படிச்சு விவாதம் செய்யுங்க. நிச்சயமா உங்களுக்குத் தேவையான விஷயங்கள் எல்லாம் கிடைச்சுடும்’’ என்று வழிகாட்டவும் செய்தார்!


பசுமை vikatan

மரம் வளர்ப்போம் வளம் பெறுவோம்