பாரதியார் ஆன்மிக சிந்தனைகள்

* சுதந்திரத்தை இழந்தவன் இன்பமாக வாழ நினைப்பது என்பது, கண்களை விற்ற பணத்தில் சித்திரம் வாங்க நினைப்பது போலாகும்.

* உழுது வாழும் விவசாயிகள், உழைத்து வாழும் தொழிலாளர்கள் அனைவரும் நாம் வணங்குவதற்கு உரியவர்கள்.

* நெஞ்சில் உறுதியும், நேர்மை எண்ணமும் இல்லாமல் வஞ்சனை செய்யும் கயவர்களே, வாய்ச்சொல்லில் வீரர்களாக இருக்கிறார்கள்.

* உச்சந்தலை மீது வானம் இடிந்து விழும் அபாயம் நேர்ந்தாலும் மனதில் அச்சம் எழக்கூடாது. துணிச்சலை வளர்த்துக் கொண்டு தலைநிமிர்ந்து வாழுங்கள்.

* உலகத்தில் அன்பைக் காட்டிலும் சிறந்த தவம் வேறு கிடையாது. இதனை மேற்கொண்டால் மனதில் எண்ணியதெல்லாம் விரைவில் கைகூடும்.

* ஆயிரமாயிரம் தெய்வங்கள் இருப்பதாக தேடி அலையாதீர்கள். நல்ல அறிவு ஒன்றையே, வேதங்கள் தெய்வமாகப் போற்றுகின்றன.

* பக்திக்கு காவித்துணி, கற்றைச் சடை போன்ற வேடங்கள் தேவையில்லை. எங்கும் நிறைந்திருக்கும் இறைவன் நம் இதயத்தில் வாழ்ந்து கொண்டு இருக்கிறார்.

* கடவுளுக்கு கடமை இருக்கிறது. அதனால் அவரும் கர்மயோகியாக இருக்கிறார்.

* செல்வம், அழகு, கல்வி, உடல்வலிமை ஆகியவற்றால் மனிதன் கர்வம் கொள்வது கூடாது.

* பிறரை ஏமாற்றுபவன் ஒருநாள் ஏமாறுவது உறுதி. அணுவளவு கூட மற்றவரை ஏமாற்ற விரும்பாத மனிதன் கடவுளுக்கு சமமானவன்.

* கடமையைத் தவிர்ப்பவர்கள் பிறவித்தளையில் இருந்து விடுதலை அடைய முடியாது.

* மனதில் கவலையை வளர்த்துக் கொள்ளாவிட்டால் நம்மை எந்த நோயும் அணுகாது.

* மற்ற வாழ்க்கையைக் காட்டிலும் குடும்ப வாழ்வே சிறந்தது.

* தான் ஒரு குற்றம் செய்தால் சுண்டக்காயைப் போலவும், அதே குற்றத்தை பிறர் செய்தால் பூசணிக்காயைப் போலவும் எண்ணுவது கூடாது.

* அறியாமையால் மனிதன் குற்றம் செய்கிறான். நல்லவர்களின் சேர்க்கையும், தைரியமும் இருந்தால் குற்றம் செய்யாமல் வாழ முடியும்.

- பாரதியார்

ரொம்பவும் பயனுள்ள ஆன்மிக சிந்தனைகள்.
நன்றி பகிர்ந்ததற்கு