ரசிகர்களை ஏமாற்றிய யூ டியூப்: ஏப்ரல் 1

by முரளிராஜா Wed Apr 03, 2013 9:36 am

ரசிகர்களை ஏமாற்றிய யூ
டியூப்: ஏப்ரல் 1

E

யூ டியூப் இணையதளம்
ஏப்ரல் 1 முட்டாள்கள்
தினத்தை முன்னிட்டு, தனது ரசிகர்கள் பலரை ஏமாற்றியது.

யூ டியூப் இணையதளத்தில்
மார்ச் 31ஆம் தேதி,
ஞாயிற்றுக்கிழமை அந்நிறுவனத்தால் ஒரு விடியோ வெளியிடப்பட்டது. அதில்,
உலகின் சிறந்த விடியோ எது என்பதைக் கண்டறிவதற்காக 2005 ஆம் ஆண்டில் யூ டியூப் தொடங்கப்பட்டது.

இணையதள ரசிகர்களின்
ஆதரவுடன் கோடிக் கணக்கான விடியோக்கள் பதிவேற்றம் செய்யப்பட்டன. இவை அனைத்தையும்
பரிசீலித்து சிறந்த விடியோ எது என்பதை 2023 ஆம் ஆண்டில் அறிவிக்க இருக்கிறோம். எனவே ஏப்ரல் 1
ஆம் தேதி முதல் யூ டியூப் செயல்படாது. அதில் எந்த விடியோவையும்
பதிவேற்றம் செய்ய முடியாது. பதிவேற்றம் செய்யப்பட்ட விடியோக்களும் அழிக்கப்பட
இருக்கிறது என்று கூறப்பட்டிருந்தது. இது யூ டியூப்பின் ரசிகர்களுக்கு பெரும்
ஏமாற்றத்தை அளித்தது.

ஆனால் ஏப்ரல் 1 ஆம் தேதி யூ டியூப் வழக்கம் போல
செயல்பாட்டில் இருந்தது. இதன் பின்னர்தான் ரசிகர்களை யூ டியூப் இணையதளம்
முட்டாளாக்கியுள்ளதை ரசிகர்கள் உணர்ந்தார்கள்.

டுவிட்டர் இணையதளமும்
ரசிகர்களை ஏமாற்றி ரசித்தது. உயிரெழுத்துகளை பயன்படுத்தாமல் "டுவிட்' செய்வோருக்கு மாதம்தோறும்
பணப்பரிசு அளிக்கப்படும் என்று அறிவிப்பு வெளியிட்டு ரசிகர்களை முட்டாளாக்கியது.