குழந்தைகளை பெற்றோர் மற்றும் உறவினர்கள் அடித்தால் ஓராண்டு சிறை

by Guest Sat Jul 17, 2010 9:14 am

குழந்தைகளை பெற்றோர் மற்றும் உறவினர்கள் அடித்தால் ஓராண்டு சிறை தண்டனை அல்லது ரூ.5 ஆயிரம் அபராதம் விதிக்கும் சட்டம் கொண்டு வரும் முயற்சிகளில் மத்திய பெண்கள் மற்றும் குழந்தைகள் மேம்பாட்டு அமைச்சகம் ஈடுபட்டுள்ளது.

குழந்தைகளை அடித்து துன்புறுத்தும் கல்வி நிறுவனங்கள் மட்டுமல்ல பெற்றோர்கள், உறவினர்கள், அண்டை வீட்டார் என யார் அடித்தாலும் அவர்களுக்கு சிறைத்தண்டனைதான்.

முதல் முறை இந்த குற்றத்தை இழைத்தால் ஓராண்டு சிறைத்தண்டனை அல்லது ரூ. 5,000 அபராதம் விதிக்கப்படும்.அதுவே இரண்டாம் முறையும் இதேக்குற்றத்தை இழைத்தால் ரோ. 25,000 அபராதத்துடன் 3 ஆண்டுகள் சிறைத்தண்டனை விதிக்கப்படும்.

சரியாக சொல்வதானால் அமெரிக்க குழந்தைகளுக்கு ஈடாக இந்தியக் குழந்தைகளுக்கும் சட்ட பாதுகாப்பு கிடைக்க உள்ளது.

'குழந்தைகளுக்கு எதிரான குற்ற தடுப்பு சட்டம் 2009' என்ற பெயரில் கொண்டுவரப்பட உள்ள இந்த சட்டத்துக்கான வரைவு உருவாக்கப்பட்டு விட்டதாக தெரிவித்த பெண்கள் மற்றும் குழந்தைகள் மேம்பாட்டுத்துறை அமைச்சர் கிருஷ்ணதிரத், அமைச்சரவையின் ஒப்புதலுக்கு இந்த சட்ட மசோதாவை கொண்டு வரும் பணியில் தமது அமைச்சக தீவிரமாக ஈடுபட்டுள்ளதாக தெரிவித்தார்.