சரிந்து கொண்டிருக்கும் அ.தி.மு.க.வை தூக்கி நிறுத்தும் முயற்சியில் ஜெயலலிதா ஈடுபட்டுள்ளார்: மு.க.ஸ்டாலின்

by Guest Sun Jul 18, 2010 9:30 am

சடசடவென சரிந்து கொண்டிருக்கும் அ.தி.மு.க.வை தூக்கி நிறுத்தும் முயற்சியில் ஜெயலலிதா ஈடுபட்டுள்ளார்'' என்று துணை முதல்-அமைச்சர் மு.க.ஸ்டாலின் கூறினார்.

நேற்று ராமநாதபுரம் வந்த துணை முதல்வர் மு.க.ஸ்டாலின் அரசு விருந்தினர் மாளிகையில் நிருபர்களுக்கு பேட்டியளித்தார். அப்போது அவர் கூறியதாவது:-

தமிழக மீனவர்கள் இலங்கை கடற்படையினரால் தொடர்ந்து தாக்கப்படுவதை கண்டித்தும், அதனை உடனடியாக தடுத்த நிறுத்தக்கோரியும் முதல்-அமைச்சர் கருணாநிதி மத்திய அரசுக்கு தொடர்ந்து கடிதம் எழுதி வருகிறார். சமீபத்தில் இதுதொடர்பாக தி.மு.க. மீனவரணி சார்பில் மாபெரும் கண்டன ஆர்ப்பாட்டம் நடத்தப்பட்டது.

மீனவர்கள் தாக்கப்படுவதை உடனடியாக தடுக்கக்கோரி தி.மு.க. சார்பிலும், தமிழக அரசு சார்பிலும் தொடர்ந்து நடவடிக்கை எடுக்கப்பட்டு வருகிறது. விரைவில் மீனவர்கள் மீதான தாக்குதலை நிறுத்த உறுதியான நடவடிக்கை எடுக்கப்படும்.

இந்தியா முழுவதும் தற்போது மின்தடை பிரச்சினை நிலவி வருகிறது. மின் உற்பத்தியை விட தேவை அதிகமாக இருப்பதால் மின்தடை தவிர்க்க முடியாததாக உள்ளது.

மின்தடை தொடர்பாக முதல் - அமைச்சர் வருகிற 19-ந்தேதி ஆய்வுக்கூட்டம் நடத்துகிறார். நெய்வேலியில் புதிய அனல் மின் நிலையத்தில் உற்பத்தி தொடங்கியதும் தமிழகத்தில் மின் தேவை பூர்த்தியடையும். மற்ற மாநிலங்களை ஒப்பிடும்போது தமிழகத்தில் மின்தட்டுப்பாடு குறைவாக உள்ளது. தமிழக அரசு எடுத்து வரும் தொடர் நடவடிக்கையால் மின் தேவை முடிந்த அளவு சமாளிக்கப்பட்டு வருகிறது.

தற்போது அ.தி.மு.க. சடசடவென சரிந்து கொண்டிருக்கிறது. இதை தடுத்து கட்சியை தூக்கி நிறுத்தும் முயற்சியில் ஜெயலலிதா ஈடுபட்டுள்ளார்.

இதன் தாக்கத்தினால் தான் கோவையில் நடைபெற்ற ஆர்ப்பாட்டத்தில் அவர் கூட்டணி குறித்து பேசியுள்ளார். அ.தி.மு.க.வில் இருந்து விலகி தற்போது ஏராளமான முக்கிய நிர்வாகிகள் தி.மு.க.வில் இணைந்து வருகிறார்கள். விரைவில் இதை கண்டித்தும், அவ்வாறு சேருபவர்களை சேர்க்கும் தி.மு.க.வை கண்டித்தும் அக்கட்சி ஆர்ப்பாட்டம் நடத்தினாலும் ஆச்சரியப்படுவதற்கில்லை.

தமிழகம் முழுவதும் காமராஜர் பிறந்த நாளை கல்வி வளர்ச்சி நாளாக கடைபிடித்து அனைத்து பள்ளிகளிலும் காமராஜர் படத்திற்கு மாலை அணிவித்து மரியாதை செலுத்தப்படுவதுடன் குழந்தைகளுக்கு இனிப்பு வழங்கப்படுகிறது.

இதன்படி சோழந்தூர் பள்ளியில் இன்று நான் காமராஜர் படத்திற்கு மாலை அணிவித்து மரியாதை செலுத்தினேன். கீழக்கரை, புதிய தாலுகா தலைமையிடமாக சட்டசபையில் அறிவிக்கப்பட்டுள்ளது. அடுத்த ஆண்டு கீழக்கரையில் புதிய தாலுகா அலுவலகம் செயல்படத் தொடங்கும்.

இவ்வாறு அவர் கூறினார்.

by **Admin** Sun Jul 18, 2010 1:46 pm

by இனியவளே Mon Jul 19, 2010 11:03 am

by Sponsored content

சரிந்து கொண்டிருக்கும் அ.தி.மு.க.வை தூக்கி நிறுத்தும் முயற்சியில் ஜெயலலிதா ஈடுபட்டுள்ளார்: மு.க.ஸ்டாலின்

சரிந்து கொண்டிருக்கும் அ.தி.மு.க.வை தூக்கி நிறுத்தும் முயற்சியில் ஜெயலலிதா ஈடுபட்டுள்ளார்: மு.க.ஸ்டாலின்

Re: சரிந்து கொண்டிருக்கும் அ.தி.மு.க.வை தூக்கி நிறுத்தும் முயற்சியில் ஜெயலலிதா ஈடுபட்டுள்ளார்: மு.க.ஸ்டாலின்

Re: சரிந்து கொண்டிருக்கும் அ.தி.மு.க.வை தூக்கி நிறுத்தும் முயற்சியில் ஜெயலலிதா ஈடுபட்டுள்ளார்: மு.க.ஸ்டாலின்

Re: சரிந்து கொண்டிருக்கும் அ.தி.மு.க.வை தூக்கி நிறுத்தும் முயற்சியில் ஜெயலலிதா ஈடுபட்டுள்ளார்: மு.க.ஸ்டாலின்