திருக்குறள் - சென்ரியூ 8

குறள் 8:
அறவாழி அந்தணன் தாள்சேர்ந்தார்க் கல்லால்
பிறவாழி நீந்தல் அரிது
கலைஞர் உரை:
அந்தணர் என்பதற்குப் பொருள் சான்றோர் என்பதால், அறக்கடலாகவே விளங்கும் அந்தச் சான்றோரின் அடியொற்றி நடப்பவர்க்கேயன்றி, மற்றவர்களுக்குப் பிற துன்பக் கடல்களைக் கடப்பது என்பது எளிதான காரியமல்ல.
மு.வ உரை:
அறக்கடலாக விளங்கும் கடவுளின் திருவடிகளைப் பொருந்தி நினைக்கின்றவர் அல்லாமல், மற்றவர் பொருளும் இன்பமுமாகிய மற்ற கடல்களைக் கடக்க முடியாது.
சாலமன் பாப்பையா உரை:
அறக்கடலான கடவுளின் திருவடிகளை சேர்ந்தவரே அல்லாமல் மற்றவர் பிறவியாக கடலை நீந்திக் கடப்பது கடினம்.
பரிமேலழகர் உரை:
அற ஆழி அந்தணன் தாள் சேர்ந்தார்க்கு அல்லால் - அறக்கடல் ஆகிய அந்தணனது தாள் ஆகிய புணையைச் சேர்ந்தார்க்கல்லது; பிற ஆழி நீந்தல் அரிது. அதனின் பிறவாகிய கடல்களை நீந்தல் அரிது. (அறம், பொருள், இன்பம் என உடன் எண்ணப்பட்ட மூன்றனுள் அறத்தை முன்னர்ப் பிரித்தமையான், ஏனைப் பொருளும், இன்பமும் பிற எனப்பட்டன. பல்வேறு வகைப்பட்ட அறங்கள் எல்லாவற்றையும் தனக்கு வடிவமாக உடையான் ஆகலின், 'அறஆழி' அந்தணன் என்றார். 'அறஆழி' என்பதனைத் தரும சக்கரம் ஆக்கி, 'அதனை உடைய அந்தணன்' என்று உரைப்பாரும் உளர். அப்புணையைச் சேராதார் கரைகாணாது அவற்றுள்ளே அழுந்துவர் ஆகலின், 'நீந்தல் அரிது' என்றார். இஃது ஏகதேச உருவகம்.)

தொட்டு வணங்கு
துட்டு போகும்
பூசாரி

உண்மைதான்... பூசாரி கூட வணங்குவதில்லை... தட்டில் விழும் பணத்தின் மீதே கவனமாக இருக்கிறான்...

அனைத்தும் அருமை... எனக்குத்தான் சென்ரியூ வரமாட்டேன்கிறது

ஸ்ரீராம் wrote:அனைத்தும் அருமை... எனக்குத்தான் சென்ரியூ வரமாட்டேன்கிறது

சொம்மா எழுத துவங்குங்கள் பின்னர் தானா வரும் பாருங்கள்... ஆச்சரியப்பட்டுப்போவீர்கள்!

நன்றி நன்றி

கூர்ந்து கவனித்து வருகிறேன்... விரைவில் எழுதுவேன்

ஸ்ரீராம் wrote:கூர்ந்து கவனித்து வருகிறேன்... விரைவில் எழுதுவேன்

மகிழ்ச்சி...

இனியன் எழுதுவதாகச் சொன்னார்... புதிய வடிவம் என்பதால் சற்று தயங்குகிறார் போல... தொடர்வார் என்று எதிர்பார்க்கிறேன்.

நீங்கள் கூறுவதில் உண்மையும் இருக்கலாம் ...
எனக்கு ஒரு பரீட்சை வருகிறது MA economics
வரும் ஜூன் மாதம் ..அதுதான் சற்று காலதாமதம்
ஆகிறது திருக்குறல் சென்ரியூக்கு

varuvEn sila kaalam thEvai

மகிழ்ச்சி நண்பரே... நேரம் கிடைக்கும்போது தொடருங்கள்... எதிர்பார்த்திருக்கிறோம்... நன்றி