விந்தை நிகழ்வுகள்

ஜெர்மானிய சக்கரவர்த்தி வென்செஸ்லஸ் 1361-1419. இயற்கைக்கு மாறான அக்கிரமமான செயல்களில் ஈடுபடுவார். கொலைக் குற்றவாளிகளின் தலையைத்துண்டிக்கும் ஊழியருடன் நெருங்கிய நட்புக் கொண்டிருந்தார். ஒருநாள் கொலைக்களத்துக்குச் சென்றவர், தலையை துண்டாடப் பயன்படும் மரக்கட்டையின் மீது தன் தலையை வைத்துத் துண்டிக்குமாறு கொலையாளி நண்பனுக்கு ஆணையிட்டார்.

பிறகு, அவன் தான் சொன்னதை செய்யவில்லை என்று காரணம் காட்டி நண்பனது தலையை கீழ்ப்படிதலில்லாத காரணத்துக்காக வெட்டித் தள்ளினார். என்ன அநியாயம்?

தினமலர்

கலிபோர்னியா நகரில் ஒருவீடு. சாரா வின்செஸ்டர் என்ற பெண்ணுக்குச் சொந்தமானது; பணக்காரி. ஒவ்வொரு ஆண்டும் தன் வீட்டில் அதிகப்படியான ஒரு அறையைக் கட்டினாள் சாரா. இவள் 1922ல் இறந்த போது அவள் வீட்டில் 160 அறைகள். ஆறு ஏக்கர் நிலப்பரப்புக்கும் அதிகமான இடத்தை அவள் வீடு ஆக்கிரமித்திருந்தது.
வின்செஸ்டரின் வீட்டில் பல அறைகள் பயன்படுத்தப்படவே இல்லை. சில அறைகளின் அகலம் வெகுசில அங்குலங்களே, மாடிப்படிகள் எங்கே போகிறதென்றே தெரியாது. சாளரங்கள் வெற்றுச் சுவரை நோக்கி இருக்கும். எட்டுமாடிக் கட்டடமான இதில் 3 லிப்டுகள். 48 கணப்புக்கான அமைப்புகள். 2,000 கதவுகள். 10,000 ஜன்னல்கள். பல மைல்கள் நீளத்துக்கு ரகசியப் பாதாளப் பாதைகள், கூடங்கள். இன்று வின்செஸ்டர் மாளிகை ஒரு மியூசியம். உலகின் விந்தையான இம்மாளிகையைக் காண பலரும் வருகின்றனர்.

தினமலர்

பாருங்கப்பா... வேஸ்ட் ஆவதை...