புரிந்தால் தெரியும்! தெரிந்தால் புரியுமா?

தீயுடன் சேர்பஞ்சும் தீயாக மாறும்
தீயென்றும் பஞ்சாக மாறாது! பாரும்.
தீதென்று தெரியாமல் நாம்சேர்ந்த போதும்
தீயரின் நட்பதால் தீமையே சேரும்.
போகக் கூடாரிடம் உதவிக்குச் சென்றால்
போகக் கூடாதநின் மானமும் போகும்
கனவுகள் அனைத்தையும் நனவாக்க நின்றால்
களவுகள் கூடநின் தொழிலாகிப் போகும்.

பழகாத இடங்களில் பயமின்றிச் செல்லல்
பலகால நன்னிலை பழுதாக்கக் கூடும்
இளகாத மனிதரின் உறவினைக் கொள்ளல்
இருப்பினைத் தகர்க்கவும் வழிசெய்யக் கூடும்.

நல்லாராய்க் காண்பரை நல்லாரென நம்பின்
நல்லாரை அறியாமல் அவர்செய்யக் கூடும்
பொல்லாரும் நல்லார்போல் பொதுஇடம் நிற்பார்
நல்லாரும் அவர்களால் பொல்லார்போல் தோன்றும்.

வடிவாக இருக்கின்ற தென்பதற் காகக்
கடிநாகம் தன்னைநாம் நெருங்குதல் தீது
பிடிக்காத வர்போலத் தெரிந்திடும் நல்லார்
பிடிக்காமல் தீயராய் நினைப்பதும் தீது

என்ன இது ஒரே புலமை தமிழ் கவிதை போல இருக்குது