வேர்க்கடலை வெண்ணெய் ஸ்மூத்தி

இதுவரை எத்தனையோ விதவிதமான ஸ்மூத்தி ரெசிபிக்களை பார்த்திருப்போம். ஆனால் வேர்க்கடலை வெண்ணெய் வைத்து செய்யப்படும் ரெசிபியை பார்த்ததில்லை. ஆம், வேர்க்கடலை வெண்ணெய் ஸ்மூத்தி என்றதும், பலருக்கும் இதில் என்ன சுவை இருக்கும் என்று முகத்தை சுளிப்பார்கள். ஆனால் இதனை வைத்து மட்டும் ஸ்மூத்தி செய்யப் போவதில்லை. அத்துடன் வாழைப்பழம் மற்றும் பால் சேர்த்து செய்யப்போவதால், இது சற்று வித்தியசாமான சுவையிலேயே இருக்கும்.

மேலும் இந்த பானம் கோடையில் குடிப்பதற்கு ஏற்ற ஒன்றாகும். சரி, இப்போது அந்த வேர்க்கடலை வெண்ணெய் ஸ்மூத்தியை எப்படி செய்வதென்று பார்ப்போமா!!!



தேவையான பொருட்கள்:

வேர்க்கடலை வெண்ணெய் - 1/2 கப்
வாழைப்பழம் - 1
பால் - 1/2 கப்
சர்க்கரை - தேவையான அளவு
ஐஸ் கட்டிகள் - தேவையான அளவு

செய்முறை:

முதலில் வாழைப்பழத்தை பாலுடன் சேர்த்து மசித்துக் கொள்ள வேண்டும்.

பின்னர் அதனை மிக்ஸியில் போட்டு, அத்துடன் வேர்க்கடலை வெண்ணெய், சர்க்கரை மற்றும் ஐஸ் கட்டிகளை சேர்த்து நன்கு, நைஸாக அடித்துக் கொள்ள வேண்டும்.

பின்பு அதனை டம்ளரில் ஊற்றி பரிமாறினால், வேர்க்கடலை வெண்ணெய் ஸ்மூத்தி ரெடி!!!

http://tamil.boldsky.com/recipes/sweets/peanut-butter-smoothie-003098.html

வேர்க்கடலை வெண்ணையா புதுசா இருக்கேப்பா இப்ப தான் கேள்விபடுறேன்

ரானுஜா wrote:வேர்க்கடலை வெண்ணையா புதுசா இருக்கேப்பா இப்ப தான் கேள்விபடுறேன்

நானும்தான்