தற்கொலைக்கு துணிந்து கொண்டு இருக்கும் மானுடம்.

by பித்தன் Fri May 24, 2013 11:19 am

கோடையின் வெப்பம் தாள முடியாமல் தகித்து கொண்டு இருக்கிறது. ஆனாலும் இந்த மானுடம் தப்பிக்கும் வழி தேடுகின்றதே தவிர தவிர்க்கும் வழியை சிந்திப்பதே இல்லை.

காடுகளின் அளவு நாளுக்கு நாள் குறைந்து கொண்டே வருகிறது, பருவ மாற்றம் பலவாறாக மாறுகிறது. இந்தியாவின் காடு அடர்த்தி 15 ஆண்டுகளுக்கு முன் 33% இருந்தது. தற்போது வெறும் 6% மட்டுமே இருக்கிறது.

கடல் மட்டம் உயர்ந்து கொண்டே தான் இருக்கிறது. உலகில் விஞ்ஞானத்தின் அபார வளர்ச்சியின்
அசுர பாதிப்பு, அனைத்து இயற்கை காரணிகளும் மாசுபட்டு கொண்டே தான் இருக்கிறது.

இந்த உலகம் எதோ மானுடத்திற்கு மட்டுமே சொந்தமானது போல் மானுட சமூகத்தின் ஆதிக்கம் பிற உயிரின கூட்டத்தின் மேல் அதிகரித்து வருகிறது. கடைசியாக சிட்டு குருவியின் சிறிய முகத்தை கண்டு எத்தனை ஆண்டுகள் ஆகிறது.

பவளப்பாறைகள் பாதிக்குமேல் குறைந்ததை யார் அறிவார்? தூய காற்றை கார்பனும் , கந்தகமும் கற்பழிக்கும் அவலம் குறைய வில்லை எனில், மானுடம் புற்று நோய்க்கும் இரையாகிப்பொகும் என்பதை எப்போது இந்த மானுடம் உணரும்.

நீலக்கடலில் நீந்தி மகிழும் நீளத்திமிங்கலத்தின் வயிற்றில் பிளாஸ்டிக் கழிவுகள் நிரம்பி செத்து கரையோரம் கிடந்தது என வாசிக்கையில் மானுடம் கறைபட்டு போனது என்பதை மறுக்கவே முடியவில்லை.

மானுட சமூகமே இயற்கை என்பது தொடர்சங்கிலி இதில் நீங்கள் எதை அறுத்தாலும் வீழ்வது மானுட இனமும் தான் என்பதை மறந்திட வேண்டாம்.
ஓர் உதரனத்திற்கு,
உலகில் உள்ள அனைத்து தேனீக்களை முழுவதுமாக அழித்து விட்டால் மனிதனின் ஆயுள் காலம் 2 ஆண்டுகள் மட்டும் தான்.
காரணம் இது ஒரு தொடர் சங்கிலி.

ஆகவே நண்பர்களே இயற்கைக்கு எதிராக செல்வது என்பது தற்கொலை முயற்ச்சியே !

by முரளிராஜா Fri May 24, 2013 12:54 pm

உண்மைதான் பித்தன்
பெரும்பாலான கண்டுபிடிப்புகள் ஒரு சில பலன்கள் தந்தாலும் அதன் முடிவு என்னவோ மனித குல அழிவை நோக்கியே .இருப்பினும் மனிதன் மாற வாய்ப்பில்லை நம் பயணம் அழிவை தேடியே ...........