பாகிஸ்தானில் ஒசாமா பின்லாடன் :அமெரிக்கா தகவல்

அல் - குவைதா தலைவர் ஒசாமா பின்லாடன் பாகிஸ்தானில் உள்ள மலைப் பகுதியில் பதுங்கியிருப்பதாக அமெரிக்க ராணுவ அதிகாரி தெரிவித்துள்ளார்.

ஆப்கானிஸ்தானில் உள்ள அமெரிக்க படைகளுக்கு தலைமையேற்றுள்ள ராணுவ உயரதிகாரி டேவிட் பீட்ரஸ் கூறியதாவது:அல் - குவைதா தலைவர் ஒசாமா பின்லாடனை உயிருடனோ, பிணமாகவோ பிடிப்பது தான், எங்களின் முதன்மைப் பணியாக உள்ளது. இதன்மூலம், பயங்கரவாதத்தை ஒழிப்பதற்கான வாய்ப்பு ஏற்படும்.

ஒசாமா பதுங்கியுள்ள இடம் பற்றி உறுதியான தகவல்கள் யாருக்கும் தெரியாது. இருந்தாலும், பாகிஸ்தானில் மலைகள் சூழ்ந்துள்ள ஒரு இடத்தில் தான் ஒசாமா பதுங்கியிருக்கக் கூடும். தலிபான் தலைவர் முல்லா ஒமருடன் பேச்சு நடத்துவதற்கான வாய்ப்பு எதுவும் இல்லை.இவ்வாறு டேவிட் பீட்ரஸ் கூறியுள்ளார்.

:006: