டாஸ்மாக் ஊழியர்களுக்கு திடீர் சம்பள உயர்வு

"டாஸ்மாக்" ஊழியர்களுக்கு சம்பள உயர்வு, ஊக்கத்தொகை உள்ளிட்ட பல்வேறு சலுகைகளை தமிழக அரசு திடீரென அறிவித்து உள்ளது.

இதுகுறித்து, முதல்வர் கருணாநிதி செவ்வாய்க்கிழமை வெளியிட்ட அறிவிப்பு:

மேற்பார்வையாளர்களின் மாத தொகுப்பு ஊதியம் ரூ.4 ஆயிரத்தில் இருந்து ரூ.4 ஆயிரத்து 500 ஆகவும், விற்பனையாளர்களின் தொகுப்பு ஊதியம் ரூ.2 ஆயிரத்து 800-லிருந்து ரூ.3 ஆயிரத்து 200 ஆகவும் உயர்த்தப்படுகிறது.

இதேபோன்று, மதுக்கூட உதவியாளர்களின் தொகுப்பு ஊதியம் ரூ.2 ஆயிரத்து 100-லிருந்து ரூ.2 ஆயிரத்து 400 ஆக உயர்த்தப்படும். இந்த அறிவிப்பால் 30 ஆயிரம் பணியாளர்கள் பயன்பெறுவர்.

காப்புத் தொகைக்கான வட்டி உயர்வு: டாஸ்மாக் பணியாளர்களின் காப்புத் தொகைக்கான வட்டி 3.5 சதவீதத்தில் இருந்து 6 சதவீதமாக உயர்த்தி வழங்கப்படும். இதனால், ஆண்டுக்கு மேற்பார்வையாளர்கள்

ரூ. ஆயிரத்து 250-ம், விற்பனையாளர்கள் ரூ.375-ம், மதுக்கூட உதவியாளர்கள் ரூ.250-ம் கூடுதலாகப் பெறுவர்.

பணியாளர்களுக்கு வழங்கப்படும் ஊக்கத் தொகை 1.5 சதவீதத்தில் இருந்து 1.75 சதவீதமாக உயர்த்தி வழங்கப்படும்.

நிர்வாகமே ஏற்கும்: மதுபான விற்பனைக்குப்பின் கடைகளில் தேங்கும் காலி அட்டைப் பெட்டிகள் பணியாளர்களால் ஒப்பந்ததாரர்களுக்கு விற்கப்படுகிறது. இந்த அட்டைப் பெட்டிகளில் ஏற்படும் சேதம் சுமார் 2.5 சதவீதம் எனக் கணக்கிடப்பட்டுள்ளது.

அது இப்போது பணியாளர்களின் ஊதியத்திலிருந்து பிடிக்கப்படுகிறது. இனி அட்டைப் பெட்டிகள் சேதத்தினால் ஏற்படும் இழப்பை நிர்வாகமே ஏற்றுக் கொள்ளும். இந்தச் சலுகைகள் செப்டம்பர் 1-ம் தேதி முதல் நடைமுறைக்கு வரும் என்று முதல்வர் கருணாநிதி தனது அறிவிப்பில் தெரிவித்துள்ளார்.

அரசு அறிவிப்புப் பற்றி டாஸ்மாக் தொழிற் சங்க கூட்டு நடவடிக்கை குழு வெளியிட்டுள்ள அறிக்கையில், "தொழிற்சங்கங்களை அழைத்து பேசாமல், அறிவிப்பை வெளியிட் டுள்ளதுமோசமான செயல். பணி நிரந்தரம், வார விடுமுறை, தினமும் எட்டு மணி நேர வேலை போன்ற முக்கிய கோரிக் கைகள் பற்றி, எந்த அறிவிப்பும் இல்லாமல், மற்ற அறிவிப்புக்கள், ஊழியர்களை திருப்திப் படுத்தாது" என,தெரிவிக்கப்பட்டுள்ளது.

எங்க relationல அண்ணா கூட அதில தான் வேலை செய்கிறார் பா