சட்டவிரோத திருமணம் அதிகரிப்பு : தடுக்க நடவடிக்கை..!

by நிலா Fri Oct 08, 2010 10:42 pm

சட்ட விரோதமுறையில் இடம்பெறும் திருமணங்களை தடுப்பதற்கு நடவடிக்கை எடுக்கப்பட்டுள்ளது. குறைந்த வயதுடைய சிறுவர் சிறுமியரை விவாக பந்தத்தில் இணைத்தல் போன்ற சம்பவங்கள் நாட்டில் அதிகம் இடம்பெற்று வருவதாகத் தெரிவிக்கப்படுகிறது.

இவ்வாறான சட்டவிரோத திருமணங்களைத் தடுப்பதற்காக விவாகப் பதிவின் போது தேசிய அடையாள அட்டை கட்டாயப்படுத்தப்பட்டுள்ளதாகவும் திருமண பந்தத்தில் இணைந்து கொள்ளும் அனைவரும் தேசிய அடையாள அட்டையைச் சமர்ப்பிக்க வேண்டும் எனவும் பதிவாளர் நாயகம் தெரிவித்துள்ளார்.

அண்மைகாலமாக திருமண வயதெல்லையை பூர்த்தி செய்யாத சிறுவர் சிறுமியர் விவாகப் பதிவு செய்து கொண்டுள்ளமை விசாரணைகளில் தெரிவந்துள்ளமையை அடுத்து இந்த நடவடிக்கை எடுக்கப்பட்டுள்ளது.

கடவுச்சீட்டு, சாரதி அனுமதிப்பத்திரம் போன்ற ஏதேனும் ஆள் அடையாளத்தை உறுதிப்படுத்தும் ஆவணங்கள், அல்லது கிராம உத்தியோகத்தர் வயதினை உறுதிப்படுத்தும் கடிதம் அவசியம் தேவை என வலியுறுத்தப்பட்டுள்ளது.

உரிய ஆவணங்களைச் சமர்ப்பிக்காதவர்களின் திருமணம், பதிவு செய்யப்பட மாட்டாதெனவும் அறிவிக்கப்பட்டுள்ளது.