நமக்கென்று பூமியிலே கடமைகள் உண்டு அதை நமக்காக நம் கையில் செய்வது நன்று

by முழுமுதலோன் Fri Jul 26, 2013 12:39 pm

நமக்கென்று பூமியிலே கடமைகள் உண்டு
அதை நமக்காக நம் கையில் செய்வது நன்று

வதந்திகள் பரவும் போது கை கால் கண் மூக்கு ஒட்டபட்டு உருவம் கொடுக்கப்படுகிறது.

தலைவர் ஒருவர் மருத்துவமனைக்கு போனார் என்ற செய்தி காற்றில் பரவி மனித வாய்களில் திரிந்து அவர் இறந்து அவருக்கு இறுதிஊர்வலம் என்பது வரை கூட மாற்றமடைகிறது.
அவரவர் வக்ரஙகளும் அதில் ஏற்றப்படும்.

அதே போல கடமைகள் என்பது கை கால் கண் மூக்கு சிதைக்கப்பட்டு இறுதியில் தலையில்லாத பிண்டமாக அர்த்தமற்று போய் விடுகிறது.

அரசாங்கம் ஒரு விளக்கு மாறு கொடுத்தால் இறுதியில் பயனாளிகையில் ஒரு குச்சிதான் போய்ச் சேருகிறது என்று சொன்னார் ஒரு அமைச்சர்.

இதே நிலைதான் நமது வேலையை பிறரிடம் கொடுத்தால் அது கழுதை தேய்ந்து கட்டெறும்பாக போன கதையாகி விடுகிறது.

கோவில்களில் பூஜை போல பிறரிடம் கொடுக்கபடும் வேலைகள் இறுதியில் அர்த்தமற்ற ஒரு வெற்றுச் சடங்காக போகிறது.

இறுதியில் எந்தப்பலனும் இல்லாது உப்பு சப்பில்லாமல் போகிறது.

ஒரு குழந்தையானது தாயிடம் வளராமல் அது ஆயாவிடம் வளர்வதை பார்த்தால் புரியும்.

குழந்தை உடம்பு மெலிந்தும் ஆயா உடம்பு அகன்றும் காண்பதே அர்த்தம் புரியும்.

தாயாகட்டும் தலைவனாகட்டும்
தொழிலாளியாகட்டும் முதலாளியாகட்டும்
அவரவர் கடமைகளை அவரவர் செய்வது நன்று

அடுத்தவரிடம் செய்ய விட்டால் அது துயரம்
காரணம் அதற்கான ஆர்வமும் அவருக்கு இருக்காது.
கூலிக்கு அழுகிறேன் என்பர்கள்
மற்றது அந்த வேலையின் ஙட்பமும் அவரறியார்

அரைகுறை அறிவோடு,அலுப்போடு செய்யப்பட்டால் அது என்னவாகும்.

பிள்ளையார் பிடிக்க குரங்காகும் என்பார்களே அது போலாகும்.அதை கவிஞர் சொன்னார். முதலில்நமக்காக,நமதுஎன்றுஉரிமைகளைகொண்டாடுகிறோமோ அதை போல நமக்கென்று கடமைகளுண்டு என ஏற்போம்.

பலரும் இது என் வேலையால்
இது என் எல்லையல்ல‌
இதற்கு என் சம்பளமில்லை
என்று தனது கடமைகளையே சலிப்போடும் வெறுப்போடும் தட்டி கழிப்பதைபார்ப்பது வேதனையே.

சிலர் தனது வேலைகளைக் கூட மற்றவர் தலையில் ஏற்றிவிட்டு சுகமாக சோம்பலாக வாழ்வது அதைவிட வேதனையே.

நம் கையால் நம் கடமைகளை ஆர்வத்துடன் மகிழ்வோடு உற்சாகமாக ஏற்று அன்றே அவைகளை செய்து முடிந்தால் நம் குடும்பம்,சமுகம் மட்டுமல்ல தேசமே உயர்வாகும்.

by டாக்டர் BALA SUBRA MANIAN