சற்றே கடினமான....

by kanmani singh Wed Sep 04, 2013 11:23 am

சற்று கடினமான செயலாக
இருந்துவிட்டு போகட்டும்
இந்த காதல்.
இரவின் பக்கங்களில்
பகலை புரட்டும்
பகட்டு வித்தையாகட்டும்
இந்த காதல்.
பூக்களோடு
வாள் கொண்டு போரிட்டு
வென்று பார்க்கும் அல்லது
கொன்று போடும்
ஆயுதமாக அறியப்படட்டும்
இந்த காதல்.
வெற்று காகிதங்களில்
வேர் பதிக்கும் காற்று வார்த்தைகளாகும்
கண்கட்டு கலகமாகட்டும்
இந்த காதல்.
நடந்த ஒரு நிகழ்வாகட்டும்
நனவின் நடப்பாகட்டும்
நாளையின் ஒளியாகட்டும்
இந்த காதல்....
இந்த காதல் மட்டும்!

கண்மணி சிங்