ரிசர்வ் வங்கி அறிவிப்பு-ருபாய் நோட்டு மாற்றம்

by முழுமுதலோன் Sat Feb 01, 2014 9:36 am

நோட்டின் பின்புறம் ஆண்டு எண் அச்சிடப்படாத ரூபாய் நோட்டுகள் திரும்ப பெறப்படும் – ரிசர்வ் வங்கி அறிவிப்பு

ரூபாய் நோட்டின் பின்புறம் ஆண்டு எண் அச்சிடப்படாத நோட்டுகளை திரும்ப பெறுவதாக ரிசர்வ் வங்கி அறிவிப்பு வெளியிட்டுள்ளது. வரும் ஏப்ரல் 1 ஆம் தேதிக்கு பிறகு அவற்றை வங்கிகளில் கொடுத்து மாற்றிக்கொள்ளலாம்.

கறுப்பு பணத்தை வெளிக்கொண்டு வருவதற்கும், கள்ளநோட்டு புழக்கத்தை கட்டுப்படுத்தவும் ரிசர்வ் வங்கி நேற்று அதிரடி நடவடிக்கை மேற்கொண்டது. ஆண்டு எண் கடந்த 2005 ஆம் ஆண்டுக்கு பிறகு அச்சிடப்பட்ட ரூபாய் நோட்டுகளில், அவை அச்சிடப்பட்ட ஆண்டு குறிப்பிடப்பட்டு இருக்கும். ரூபாய் நோட்டின் பின்பக்கத்தில், கீழ்வரிசையின் மத்தியில், சிறிய அளவில் ஆண்டு எண் இடம்பெற்று இருக்கும்.

கள்ள நோட்டு புழக்கத்தை கட்டுப்படுத்துவதற்காக, இந்த பாதுகாப்பு அம்சம் சேர்க்கப்பட்டுள்ளது. ஆனால், 2005 ஆம் ஆண்டுக்கு முன்பு அச்சிடப்பட்ட ரூபாய் நோட்டுகளில், அவை அச்சிடப்பட்ட ஆண்டு இருக்காது.

இந்நிலையில், புழக்கத்தில் உள்ள, ஆண்டு எண் அச்சிடப்படாத அனைத்து வகை ரூபாய் நோட்டுகளையும் வாபஸ் பெற ரிசர்வ் வங்கி முடிவு செய்துள்ளது. இதை ரிசர்வ் வங்கி நேற்று அதிகாரப்பூர்வமாக அறிவித்தது.
இதன்படி, 2005 ஆம் ஆண்டுக்கு முன்பு அச்சிடப்பட்ட, ஆண்டு எண் இடம்பெறாத ரூ.500, ரூ.1,000 உள்பட அனைத்து ரூபாய் நோட்டுகளும், வருகிற மார்ச் 31 ஆம் தேதிக்கு பிறகு வாபஸ் பெறப்படுகின்றன.

அதன் பிறகு அந்த நோட்டுகளை, வைத்து இருப்பவர்கள் அவற்றை ஏப்ரல் 1 ஆம்தேதி முதல், வங்கிகளில் கொடுத்து, வேறு நோட்டுகளை பெற்றுக்கொள்ளலாம். எந்த வங்கியிலும் ரூபாய் நோட்டுகளை மாற்றிக்கொள்ளலாம். அனைத்து வங்கிகளும் இதற்கான வசதிகளை ஏற்பாடு செய்ய வேண்டும் என்று ரிசர்வ் வங்கி அறிவுறுத்தி உள்ளது.

மேலும், வருகிற ஜூலை 1 ஆம் தேதிக்கு பிறகு, மொத்தமாக பத்துக்கும் மேற்பட்ட 500 ரூபாய் நோட்டுகளையோ, பத்துக்கும் மேற்பட்ட 1,000 ரூபாய் நோட்டுகளையோ மாற்றுவதற்கு புதிய நிபந்தனையை ரிசர்வ் வங்கி விதித்துள்ளது. அப்படி மாற்ற வருபவர்கள், அவர்களின் அடையாளம், முகவரி ஆகியவற்றுக்கான ஆதாரத்தை சமர்ப்பிக்க வேண்டும்.

இத்தகவல்களை ரிசர்வ் வங்கி ஓர் அறிக்கை மூலம் தெரிவித்துள்ளது. அந்த அறிக்கையில் மேலும் கூறப்பட்டு இருப்பதாவது:-

ஆண்டு எண் அச்சிடப்படாத ரூபாய் நோட்டுகள், தொடர்ந்து செல்லுபடி ஆகும். ஏப்ரல் 1 ஆம் தேதி முதல், அந்த நோட்டுகளை மாற்றிக்கொள்ளலாம். எனவே, பொதுமக்கள் பீதி அடைய தேவையில்லை. ரூபாய் நோட்டுகளை மாற்றும் நடவடிக்கைக்கு அவர்கள் ஒத்துழைப்பு அளிக்க வேண்டும். மறு உத்தரவு வரும்வரை, இந்த பணியில் அனைத்து வங்கிகளும் ஈடுபட வேண்டும். இவ்வாறு ரிசர்வ் வங்கி கூறியுள்ளது.

ரிசர்வ் வங்கி தனது இந்த உத்தரவில், ஆண்டு எண் அச்சிடப்படாத நோட்டுகளை வாபஸ் பெறுவதற்கான காரணம் பற்றி எதுவும் கூறவில்லை. இருப்பினும், கறுப்பு பணத்தை குவித்து வைத்திருப்பவர்களிடம் இருந்து அதை வெளியே கொண்டு வருவதற்காக இந்த அதிரடி நடவடிக்கையை ரிசர்வ் வங்கி எடுத்திருப்பதாக கருதப்படுகிறது.

2005 ஆம் ஆண்டுக்கு முன்பு அச்சிடப்பட்ட ரூபாய் நோட்டுகளில் பாதுகாப்பு அம்சங்கள் சேர்க்கப்படாததால், அவை கள்ள நோட்டு புழக்கத்துக்கு வழிவகுப்பதாக உள்ளன. எனவே, கள்ள நோட்டு புழக்கத்தை கட்டுப்படுத்தும் நோக்கத்திலும், அந்த பழைய நோட்டுகளை வாபஸ் பெறும் முடிவை ரிசர்வ் வங்கி எடுத்திருப்பதாக கருதப்படுகிறது.

[You must be registered and logged in to see this link.]
[You must be registered and logged in to see this image.]
[You must be registered and logged in to see this link.]
[You must be registered and logged in to see this link.]

by முரளிராஜா Sat Feb 01, 2014 3:23 pm

தகவலுக்கு நன்றி அண்ணா.

by ஜேக் Sat Feb 01, 2014 4:16 pm

2005 ஆம் ஆண்டுக்கு முன்பு அச்சிடப்பட்ட ரூபாய் நோட்டுகளில் பாதுகாப்பு அம்சங்கள் சேர்க்கப்படாததால், அவை கள்ள நோட்டு புழக்கத்துக்கு வழிவகுப்பதாக உள்ளன. எனவே, கள்ள நோட்டு புழக்கத்தை கட்டுப்படுத்தும் நோக்கத்திலும், அந்த பழைய நோட்டுகளை வாபஸ் பெறும் முடிவை ரிசர்வ் வங்கி எடுத்திருப்பதாக கருதப்படுகிறது.

வங்கி தன் தவறை சரி செய்ய முயல்கிறது.

மக்கள் ஒத்துழைக்க வேண்டும்.

அதே சமயம்... வெளிநாடுகளில் நோட்டு அச்சடிக்கப்ப பயன்படுத்தும் முறையை நம் நாடும் பின்பற்றினால் நன்றாக இருக்கும்.

ரூபாய் நோட்டு பழைமையாகமல், கிழியாமல், கள்ள நோட்டுகள்
அச்சிடா வண்ணம் தரமுள்ளதாகவும் விளங்கும்.