சுபபாலாவின் நம் தமிழ்......!!!

கவிதை ......!!!
இசைவழி வந்து செவிவழியாகும்
பாடல் கவிதைகள்
கடினமாய் இருப்பதில்லை
தனி கவிதையாய் எண்ணங்கள்
பதித்தால்
அது உணர்வுகள் அறிவதில்லை
இசைக்கு ஒரு மொழி
வாழ்வுக்கு பல மொழி
எழுதுங்கள் தினம்
கவிவழி .....!
நம் தமிழ் காற்றில் கரைந்து
போகாமல்
காப்போம்கவிதையால்
அதுவே
வாழ்வின் உயிர்மொழி ......!
நூலகங்கள் மறைந்து போக
ஆதி நூல்கள் எல்லாம்
மறந்து போக
கணணியிலே காலம் போனால்
தமிழை காத்தவர்களை
யாருக்கு உரைப்போம்
நாளை பிறக்கும் பிள்ளைக்கு
எதை கொடுப்போம்
இசை வழி உருகி இரவை தாலாட்டும்
தமிழ்
இறைவழி போற்றி அனுதினம் பாலுட்டும்
தமிழ்
கால கொடுமையை மறக்க களிப்பூட்டும் தமிழ்
நாளை உலகம் நினைக்க
என்றும் அடைக்காப்போம்
அதுவே உயிருக்கு மேலான
ஆதி தமிழ் ........!!!!
/சுபபாலா /

சுதந்திரத்தை பாடத்தான்
தொடங்கினேன்
துப்பாக்கிகள் விமர்சனமும்
வாழ்த்தும் எச்சரிக்கையும் தந்தது
அதனால் தான்
காதலை பாடலாக்கினேன்
கண்ணீரை ஊமையாக்கினேன்
மீண்டும்
துப்பாக்கியால் சாவதை விரும்பவில்லை
என் எழுத்துக்களும் இதயமும்

/சுபபாலா /

ஈழம்
கடிதம் வரும் முகவரி
மட்டும்
நினைவில் தாஜ்மஹால் ஆனது
நிலமும் வீடும்
பாலைவனமாய் போனது

/சுபபாலா /

தொலைந்த வீட்டை
நினைக்கும் போதெல்லாம்
மனதை வருடி செல்கிறது
அக்கா வளர்த்த பூமரமும்
அம்மன் கோயில் திருவிழாவும்
ஆசையாய் அரவணைத்து வாழ்ந்த உறவுகளும் ......!!!
/ஈழ வலி /

/சுபபாலா /

பிரிதல் தருவது வலி
இழத்தல் தருவது மாவலி
எல்லாம் இழந்து இயலாதிருப்பது
கொடுமையிலும் கொடுமை
மனம் தளராதே நண்பா....
நம் மக்கட்கு என்று
மீண்டு எழுவோம்
வாழ்ந்து காட்டுவோம்

ஈழம் ....!
கனிதரும் மரங்கள்
வறட்சியால் எரிந்தது
பால் தரும் பசுக்கள்
குண்டுகள் விழுந்து பலியானது
வீடுகள் எல்லாம் விமான குண்டுகளால்
அழிந்து போனது
கடைசியாய் அடைக்கலம் தேடி
ஆலயத்தில் தங்கிய போது
ஆலயமும் எரிந்தது .......!!!!
உயிர் தப்பிய மிச்ச உயிர்கள்
தொலைகாட்சியின் தலைப்பு செய்தியானது ......!!!!

/சுபபாலா /

இனி எவருக்கும் வரவேண்டாம் இது போல் ஒரு நிலை  

முரளிராஜா wrote:இனி எவருக்கும் வரவேண்டாம் இது போல் ஒரு நிலை  

நன்றி உங்கள் கருத்திற்கு