வியப்பூட்டும் வல்லாரை

by முழுமுதலோன் Tue Apr 22, 2014 3:18 pm

வல்லாரை கீரையின் பயன்கள்

இதை தமிழ் வைத்தியர்களாலும் மற்றும் சித்தர்களாலும் மகா ஒளடதி வல்லாரை என்றழைக்கப்படும் மகா சிறந்த மூலிகையாகும். இதை பிரம்ம மண்டூகி என்று இந்தியிலும் அழைக்கப்படுகிறது.

இது வட்டமான இலையோடு தரையில் படரும் ஒருவகை கொடி. நீர்ப்பாங்கான இடங்களில், நீர் வாய்க்கால்களின் கரைகளிலும், குளங்கள் மற்றும் ஆற்று ஒரங்களிலும் இது செழித்து வளரும் ரூபாய் நாணயத்தின் வடிவில் வட்டமாக இதன் இலைகளை காணப்படும் இதன் இலைகள் கொத்து கொத்தாக காணப்படும்.

இதன் இலைகளில் அமினோ அமிலங்களும், குளுகோசும், இரும்பு,காலஷ்சியம் மற்றும் பொட்டாஷியம் தாதுப் பொருள்களும் இருப்பதாக் கணடறியப்பட்டது. –

வல்லாரை கீரையை ஏரளாமாய் மக்கள் அன்றாட உணவுடன் சேர்த்து சாப்பிடுகிறார்கள். வல்லாரையுடன் துவரம் பருப்பு,மிளகு,சீரகம்,வெங்காயம் இவைகளுடன் சேர்த்து சாம்பார் செய்து சாப்பிடலாம். சிறிதளவு புளி உப்பு ஒரு மிளகாய் வைத்து துவையலாக அரைத்தும் சாப்பிடலாம். வல்லாரை இலையை நிழலில் உலர்த்தி காயவைத்து இடித்து தூளாக்கிக் கொண்டு காப்பித் தூளுக்குப் பதிலாக பாலில் இந்த தூளை இரண்டு தேக்கரண்டி சேர்த்துக் குடிக்கலாம்.

வல்லாரை இரத்த விருத்தியை தந்து நரம்புகளைப் பலம் பெறச் செய்கிறது. சருமத்தில் ஏற்படும் நோய்களையும் வல்லாரை குணமாக்குகிறது. —

புரதப் பொருள்கள் நீக்கப்ட்ட உணவு மட்டுமே கொடுத்து வளர்க்கப்ட்ட வெள்ளெலிகளிடையே வல்லாரைச் சாறு கொடுக்கப்ட்ட எலிகளின் இறப்பு விகிதம் பெரிதும் குறைவாக இருந்தது அத்துடன் அவைகளின் இரத்தத்தில் புரத அளவும் உயர்ந்திருந்ததாம். —

வல்லாரை 43 பேர்களுக்கு தொடர்ந்து கொடுத்துப் பார்த்தபோது அவர்களுடைய இரத்தத்தில் இரத்தச் சிவப்பணுக்கள் கூடியிருந்ததோடு இரத்தத்தின் திறனும் புரதத்தின் அளவும் கூடியிருந்தன. இரத்தத்தில் ஹிமோகுளோப்பின் அளவும் உயர்ந்திருந்ததாம்.–M.V.R Appa Rao & S.P Usha – 1976 Research Journal of Indian Medicine

நம் தமிழ் சித்தர்கள் பலர் அவர்களின் பாடல்களில் வல்லாரை ஒரு சிறந்த மூலிகையாக பயன்படுகிறது என்றும் அதன் சிற்ப்புகளையும் தெரிவித்துள்ளனர். வல்லாரை ஒரு மிக சிறந்த இரத்த விருத்தி மூலிகை. இது நரம்புகளை பலப்படுத்தி ஞாபக சக்தியை அதிகரிக்கிறது. மூளைக்கு நல்ல பலத்தை கொடுக்கிறது. தலையிடி , தலை சோர்வு, மூளை அயர்ச்சி போன்றவைகளை இது குணமாக்குகிறது.

வாய்புண்ணுக்கு வல்லாரை சிறந்த மருந்தாகும் வாய்ப்புண்ணால் அவதிப்படுகிறவர்கள் காலையும் மாலையும் நான்கைந்து வல்லாரை இலைகளைப் பச்சையாக வாயில்போட்டு நன்கு மென்று தின்றால் வியப்பூட்டும் விதத்தில் வாய்ப்புண் மறைந்து விடும்.

வியப்பூட்டும் வல்லாரை 1970984_392685917534999_1087849799_n