சுற்றுலா பயணிகளுக்கு வழிகாட்டும் இலவச மொபைல் அப்ளிகேஷன்: மத்திய அரசு அறிமுகம்

இந்தியாவில் சுற்றுலா பயணிகள் சிரமமின்றி பயணம் செய்ய வழிகாட்டும் புதிய மொபைல் அப்ளிகேஷனை மத்திய சுற்றுலா அமைச்சகம் வெளியிட்டுள்ளது.

ஜெனசிஸ் இண்டர்நேஷனல் கார்ப்பரேஷன் நிறுவனத்துடன் இணைந்து தயாரித்துள்ள இந்த மொபைல் ஆப்ஸ்-க்கு 'இன்கிரிடெபிள் இந்தியா வாக்கிங் டூர்ஸ்' என்று பெயரிடப்பட்டுள்ளது. தானாக வழிகாட்டும் வகையில் வடிவமைக்கப்பட்டுள்ள இந்த அப்ளிகேஷன் மூலம் ஆக்ரா, அமிர்தசரஸ், அகமதாபாத், பெங்களூரு, போபால், சண்டிகர், சென்னை, டெல்லி, கோவா கடற்கரை, ஐதராபாத், ஜெய்ப்பூர், கோல்கத்தா, மும்பை, பாட்னா, புனே மற்றும் சூரத் ஆகிய 16 இந்திய நகரங்களில் உள்ள இடங்களின் வழிகளை பெற முடியும். வரும் டிசம்பர் 2015-க்குள் 36 நகரங்களுக்கு இது விரிவுபடுத்தப்பட உள்ளது.

இலவசமாக வழங்கப்படும் இந்த மொபைல் அப்ளிகேஷன் சுற்றுலா வல்லுனர்கள் மற்றும் ஆர்வலர்களிடையே பெரிய வரவேற்பை பெறும் என எதிர்பார்க்கப்படுகிறது.

எனினும், இது உயர்ந்த ரக ஸ்மார்ட்போன்களான பிளாக்பெர்ரி 10, செட்3, செட் 10, செட்30, க்யூ5 மற்றும் க்யூ10 ஹேன்ட்செட்டுகளில் மட்டுமே இயங்கும் வகையில் வடிவமைக்கப்பட்டுள்ளது.

ஆண்ட்ராய்டு மொபைலில் இயங்கும் அப்ளிகேஷனும் தயாராகிக் கொண்டு இருக்கிறது. வரும் வாரங்களில் அதுவும் அறிமுகமாக உள்ளதாக சுற்றுலா அமைச்சக உயர் அதிகாரி ஒருவர் தெரிவித்தார்.

நன்றி: தினத்தந்தி

நல்ல முயற்சி

   

   

     

வரவேற்போம்