ஒரு பொருளுக்குள் ஒளிந்திருக்கும் பன்முகங்கள்

by முழுமுதலோன் Sat Aug 23, 2014 11:20 am

ஒரு பொருளுக்குள் ஒளிந்திருக்கும் பன்முகங்கள்

[You must be registered and logged in to see this link.]

[You must be registered and logged in to see this link.]
[/url]

ஒரு பொருளை அது பழையதான பிறகு எந்த விதங்களில் எல்லாம் பயன்படுத்தலாம் என்று யோசித்ததில் நமக்குக் கிடைத்த சில விஷயங்கள் இங்கே...

டிஷ்யூ பேப்பர்கள் சுற்றி வரும் ஒரு உருளையான அட்டையை நாம் பொதுவாக தூக்கி எறிந்து விடுவோம். ஆனால், அவற்றில் நாம் தலைக்குப் பயன்படுத்தும் கிளிப், ஹேர் பின் போன்றவற்றை ஒரு முனைப் பகுதியில் குத்தி வைக்கலாம். ரப்பர் பேன்ட் போன்றவற்றை அந்த உருளையில் மாட்டிவைக்கலாம். அந்த உருளையை அழகான பேப்பர் சுற்றியோ அல்லது சில பூக்களை வரைந்து வைத்தால், மற்றவர்களுக்கு அது என்னவென்று கண்டுபிடிக்காமல் போய்விடும்.

முந்தைய காலத்தில் டேப் டெக்கார்கடர்கள் பயன்படுத்தப்பட்டன. அவற்றில் போடும் கேசட்டுகளுக்கான பிளாஸ்டிக் மூடியை, இயர்போன் ஒயர் போன்றவற்றை சுற்றி அதில் வைத்தால் பாதுகாப்பாக இருக்கும். பையில் கொண்டு செல்லும் போது சிக்கலாக வாய்ப்பிருக்காது.

நீங்கள் பயன்படுத்திய குப்பைத் தொட்டி லேசாக உடைந்து குப்பைத் தொட்டியாக பயன்படுத்த இயலாததாகிவிட்டதா. கவலை வேண்டாம். அதனை நன்கு தூய்மை படுத்தி, உங்கள் வீட்டில் பயன்படுத்தப்படும் துடப்பம், மாப் போன்றவற்றை அதில் போட்டு ஒரே இடத்தில் வைக்க பயன்படுத்திக் கொள்ளலாம்.

டிக் டேக் சற்று பெரிய டப்பாவில் வாங்கினால், அதனை, உங்களுக்கு தேவைப்படும் மிளகு தூள், பாக்கு போன்றவற்றை போட்டு நீங்கள் பயன்படுத்தும் பையில் வைத்துக் கொண்டால் தேவைப்படும் போது எடுத்துப் பயன்படுத்திக் கொள்ளலாம்.

அதேப்போல, டிஷ்யூ பேப்பர் உருளைகளை, ஒரு பெரிய பாக்சில் வரிசையாக அடுக்கி, அதில் பல்வேறு பொருட்களை தனித்தனியாக போட்டு வைக்கப் பயன்படுத்திக் கொள்ளலாம்.

மிகப்பெரிய பாட்டீல்களின் மூடிகளில், சிறிய திரிகளைப் போட்டு, அதில் மெழுகினை உருக்கி ஊற்றி வைத்துக் கொண்டால், மின்சாரம் தடை படும் போது ஆங்காங்கே ஏற்றி வைத்து பயன்படுத்திக் கொள்ளலாம்.

பிறந்த நாள் கேக் வெட்டும் போது எண்களில் வரும் மெழுகு வார்த்தியை ஏற்றிக் கொண்டாடுவோம். பிறகு அதனை என்ன செய்வது என்று யோசிக்க வேண்டாம். ஏதேனும் ஒரு விளக்கில் அதனை உடைத்து போட்டு, அதோடு ஒரு திரி வைத்து விட்டால், மெழுது விளக்காக நெடு நாளைக்கு பயன்படுத்தலாம்.

By Vanisri Sivakumar, dinamani