மந்திர வார்த்தைகள்

ஒவ்வொரு பிரபலங்களும் ,
தனக்கென ஒவ்வொரு மந்திர வார்த்தைகளை வைத்திருக்கிறார்கள்...!!!

“என் இனிய தமிழ் மக்களே..” – இது பாரதிராஜா...

“என் உயிரினும் மேலான உடன் பிறப்புக்களே ..” –இது கருணாநிதி..

“என்னை வாழவைக்கும் தெய்வங்களான ரசிகப் பெருமக்களே..”- இது ரஜினி....

மேடையில் இவர்கள் இந்த வார்த்தைகளைச் சொன்னவுடன் கைதட்டலும் , விசிலும் தூள் பறக்கும்..
எம்.ஜி.ஆரும் இது போல ஒரு மந்திர வார்த்தை வைத்திருந்தார்..
அது... "ரத்தத்தின் ரத்தமான உடன்பிறப்புகளே"..

ஆனால்..அதற்கொரு உருக்கமான காரணத்தையும் எம்.ஜி.ஆர். வைத்திருந்தார்...
அந்த உண்மையான காரணத்தை அவரே ஒருமுறை சொல்லி இருக்கிறார்..!

"ரத்தத்தின் ரத்தமான உடன்பிறப்புகளே" என்று குறிப்பிடுவதை ஒரு சிலர் பொருத்தமாக இருப்பதாகக் கருதலாம். வேறு சிலர் இது பொருத்தம் இல்லை என்றும் நினைக்கலாம்.
என்னைப் பொறுத்தவரை நான் சுடப்பட்டு மருத்துவமனையில் இருந்தபோது என் உடலிலிருந்து நிறைய ரத்தம் விரயமாகியிருந்தது.
அப்போது என் உடலில் ரத்தம் செலுத்தி என்னை வாழ வைக்க ஆவன செய்தார்கள் மருத்துவ நிபுணர்கள். இதைக் குறிப்பிடுவது எனது நீங்காக் கடமையாகும்.

அந்த ரத்தத் துளிகள் என் உடலில் இருப்பதால்தான் நான் மனிதனாக உலவுகிறேன். அப்போது என் உடலில் செலுத்தப்பட்ட ரத்தம் யாருடைய ரத்தம் என்பது எனக்கும் தெரியாது.
ஆனால், அந்த ரத்தத் துளிகள்தான் என்னை மீண்டும் மனிதனாக ஆக்கியது.

அந்த ரத்தம் பலருடைய ரத்தமானதால் அனைவரையுமே நான்."என் ரத்தத்தின் ரத்தமான உடன்பிறப்புகளே" என்று உரிமையுடன் அழைக்கிறேன்.

அதனை நினைவுபடுத்திக் கொள்ளும் வகையில் அதன் பிறகு கடிதம் எழுதும்போதும் அல்லது மேடையில் பேசும் போதும் எனது உடன்பிறப்புக்களை "ரத்தத்தின் ரத்தமான உடன்பிறப்புகளே"என்று குறிப்பிடுகிறேன்..”

# உயர்வான கருத்து...!
எம்.ஜி.ஆரின் பேச்சு ,கொஞ்சம் உளறுவது போலத்தான் இருக்கும்..!
ஆனால்....

உளறல் கூட உன்னதமே...
உண்மையைப் பேசும்போது..!!