காதல் பறவைகள்.,

by info.ambiga Sun Apr 19, 2015 9:35 am

உனக்காய் பாத்திகட்டி பத்திரப்படுத்திய நேசங்களோடு..

அனைத்தையும் கடந்து
விட்டதொரு கண்ணீர்
வற்றிப்போன ஓர்
முடிவுரை நாளில்..

காதல் குளம் நிரம்பித்
ததும்புமொரு உன்னத
தருணமொன்றில்..

மௌனித்திருந்த தலைமுறைக்கான
கோபங்களை சற்றே
உதறிய ஓர் க்ஷண பொழுதில்..

உனை சந்திக்க
வருகிறேன்..

உன் முடிகளில்
கொஞ்சம் முதிர்வை நரைத்துக்காட்டி உன் அழகினை கூட்ட..

நான் சற்றே இளைத்திருக்கிறேன்..

தூரப்பார்வைக்கென
கண்ணாடி அணிந்த நீ
கிட்ட நிற்குமென்னை
"யாரென" நோக்குகிறாய்..

எனை அடையாளம் கண்ட நீ
விழியோரமொதுங்கிய
கண்ணீரை கவனமாக
கையாளுகிறாய்..

ஆமோதித்து மறுக்குமுந்தன்
ஆளுமைகளில் அதிசயிக்கும்
எனை பிரத்யேகமாய்
அவதானிக்கிறாய்..

என் கடைநொடி இதுவென
அறியா அறையெங்கிலும்
நிரம்பி வழியும்
மௌனங்களின் தகிப்பை
நேர்கொள்ளவியலாமல் நாம்..
ீ

இன்போ.அம்பிகா

்