சென்னை: ஆபரணத் தங்கம் விலை நேற்று கிடுகிடுவென உயர்ந்து

by Guest Wed Jun 09, 2010 9:15 am

சென்னை: ஆபரணத் தங்கம் விலை நேற்று கிடுகிடுவென உயர்ந்து, ஒரு கிராம் 1,774 ரூபாக்கும், சவரன் 14 ஆயிரத்து 192 ரூபாக்கும் விற்பனையானது. நேற்று ஒரே நாளில் சவரனுக்கு 224 ரூபா அதிகரித்தது. இந்த விலை உயர்வு மக்கள் மத்தியில் அதிர்ச்சியை ஏற்படுத்தி உள்ளது.
ஆபரணத் தங்கம் விலை கடந்த மே மாதம் முழுவதும் ஜெட் வேகத்தில் தொடர்ந்து உயர்ந்தது. இந்த ஆண்டு முதல் முறையாக கடந்த மே 7ம் தேதி சவரன் 13 ஆயிரத்தை தொட்டது. கடந்த 1ம் தேதி சவரனுக்கு 208 ரூபா அதிகரித்து, 13 ஆயிரத்து 976 ரூபாக்கும், ஒரு கிராம் 1,747 ரூபாக்கும் விற்றது. இந்நிலையில், கடந்த 4ம் தேதி சவரனுக்கு 152 ரூபா வரை குறைந்து, 13 ஆயிரத்து 696 ரூபாக்கும், ஒரு கிராம் 1,712 ரூபாக்கும் விற்பனையானது. நேற்று முன்தினம் சவரன் 13 ஆயிரத்து 968 ரூபாக்கும், ஒரு கிராம் 1,746 ரூபாக்கும் விற்ற ஆபரணத் தங்கம், நேற்று சவரனுக்கு 224 ரூபா வரை அதிகரித்தது. நேற்று காலை நிலவரப்படி, சவரனுக்கு 120 ரூபா அதிகரித்து, 14 ஆயிரத்து 88 ரூபாக்கும், ஒரு கிராம் 1,761 ரூபாக்கும் விற்பனையானது. மாலையில் சவரனுக்கு மேலும் 104 ரூபா அதிகரித்து, 14 ஆயிரத்து 192 ரூபாக்கும், ஒரு கிராம், 1,774 ரூபாக்கும் விற்பனையானது. நேற்று ஒரே நாளில் சவரனுக்கு 224 ரூபா அதிகரித்தது. இதன் மூலம் இந்த ஆண்டு 14 ஆயிரம் ரூபாயை தாண்டியது.
தங்கம் விலை தொடர்ந்து உயர்ந்து வருவது குறித்து சென்னை தங்க, வைர நகை வியாபாரி சங்க துணைத் தலைவர் விஜயகுமாரிடம் கேட்டபோது, 'கிரீஸ் நாட்டில் சமீபத்தில் ஏற்பட்ட பொருளாதார பாதிப்பால், ஐரோப்பாவின் யூரோ மதிப்பு நாளுக்கு நாள் குறைந்து வருகிறது. 'இதன் மூலம், ஜெர்மனி, பிரான்ஸ் நாட்டின் பொருளாதாரத்தில் பாதிப்பை ஏற்படுத்தலாம். பங்குச் சந்தை சரிவால் யூரோ, டாலரில் முதலீடு செவதும் குறைந்து விட்டது. இதனால், தங்கத்தின் மீது அனைவரும் முதலீடு செகின்றனர். இதன் காரணமாக, தங்கம் விலை தொடர்ந்து ஏறி வருகிறது. இந்த விலை உயர்வு இந்த ஆண்டில் முதல் முறையாக 14 ஆயிரத்தை தாண்டி விட்டது. இன்னும் சில நாட்களில் தங்கம் விலை குறையலாம்' என்றார்.