விஜய் ஆக்ஷன்! கீர்த்தி சுரேஷ் ரியாக்ஷன்!

[img][/img]
-
எம்.ஜி.ஆர்., என்.டி.ஆர்., ரஜினி, கமல் என உச்ச நட்சத்திரங்களை
வைத்து பிரமாண்டமான படங்களைக் கொடுத்த விஜயா கம்பைன்ஸ்
விஜய்யின் 60-வது படத்தை மிக பிரமாண்டமாக உருவாக்கிக்
கொண்டிருக்கிறது.
-
படப்பிடிப்பு துவங்கும் முன்பிருந்தே கேரள உரிமையை
மோகன்லாலே கேட்கிறாராம். வியாபாரமும் ஷூட்டிங்கும்
சூடாக நடக்க, படத்தின் இயக்குநர் பரதனோ நம்மிடம் பல
விஷயங்களை கூலாகப் பகிர்ந்து கொண்டார்.
-

விஜய்யுடன் உங்களது அறிமுகம் எப்படி?

நான் விஜய் சாரின் ‘கில்லி’, ‘மதுர’ படங்களுக்கு வசனம்
எழுதியிருக்குனு பாராட்டி ‘அழகிய தமிழ்மகன்’ படத்தை
எழுதி இயக்கும் வாய்ப்புக் கொடுத்தார்.

இப்பொழுது எனக்கு மீண்டும் ஒரு வாய்ப்புக் கொடுத்து
என் வாழ்வில் புது வசந்தம் ஏற்படுத்தியிருக்கிறார்.
இந்த நன்றியை என்றும் மறக்க மாட்டேன்.
-

அழகிய தமிழ்மகன் இயக்கி நீண்ட நாளான நிலையில்
மறுபடியும் விஜய்பட வாய்ப்பு யார் மூலம் வந்தது?
-
அஜித்தின் வீரம் படத்திற்கு நான் வசனம் எழுதியிருந்தேன்.
அதைப் பார்த்த விஜயா கம்பைன்ஸ் என்னைக் கூப்பிட்டுப்
பேசினார்கள்.
-
விஜய் கால்ஷீட் வாங்கியிருக்கோம். உங்ககிட்ட நல்ல
கதையிருந்தா சொல்லுங்க பார்ப்போம்னு சொன்னாங்க.
நான் ஒருகதையைச் சொன்னேன். அவங்களுக்கு பிடிச்சுப்
போச்சு. உடனே விஜய்க்கு தகவல் கொடுத்து கதாசிரியரை
எப்ப அனுப்பணும்னு கேட்டாங்க.
-
என் பேரைக் கேட்டதும் விஜய், அவரை எனக்க நல்லாத்
தெரியும் என்னோட ரெண்டு படத்துக்கு டயலாக்
எழுதியிருக்கிறார். அழகிய தமிழ்மகனுக்கு அவர்தான்
டைரக்டர்.

அவரை அனுப்பி வையுங்க என்று சொன்னதும் தயாரிப்பாளர்க்கு
என் மேல் நம்பிக்கையும் மதிப்பும் ஏற்பட்டது. மறுநாள் விஜய்
வீட்டிலிருந்தேன்.
-
ரொம்ப அன்பா, ‘வாங்க, பரதன், நல்லாயிருக்கீங்களா?
வீட்ல எல்லாரும் நலமாயிருக்காங்களா?’ன்னு ரொம்ப சிநேகமா
என்னைப் பிடித்து குலுக்கினார். உட்காருங்க என்ன சாப்பிடுறீங்க
என்றார். டீ வந்தது. நான் கதை சொல்லத் தொடங்கியதும்
விஜய் சார் ரொம்ப இன்வால்வ்மெண்ட்டோடு கேட்டார்.
அவருக்கு கதை பிடிச்சுப் போனது.
-
ஓகே இதை நாம பண்றோம்; நச்சுன்னு பண்றோம் என்றார்.
என் முதுகில் தட்டிக் கொடுத்து, இந்தக் கதை நிச்சயம் உங்களுக்கு
வெற்றியைத் தரும்! ஜெயிக்கும், ஜெயிக்கிறோம் வாழ்த்துக்கள்
என்று மகிழ்ச்சியோடு உற்சாகமாகப் பேசி அனுப்பி வைத்தார்.
-
எந்த மாதிரில்லாம் டயலாக் அமையணும்னு விஜய் சொன்னாரா?
-
அவர் அதிலெல்லாம் தலையிடமாட்டார். நம்ம சொல்ற கதைக்கு
கதாபாத்திரத்திற்கு எப்படி தேவையோ அப்படி இயல்பா வசனம்
இருக்கட்டும் என்பார்.

பஞ்ச் டையலாக்கெல்லாம் எனக்காக எழுதாமல் என் கேரக்டருக்காக
எழுதுங்க என்றார்.
-
ஆஃப் த ஸ்கிரீன் அவரின் நல்ல குணங்களை நேரில் பார்த்த வகையில் அதற்குப் பொருத்தமாகவும் நானே சில வித்தியாசமான பன்ச்களை சேர்த்திருக்கிறேன். அதை அவரைத் தவிர பேசுவதற்கு வேறு பொருத்தமான ஹீரோக்களே கிடையாது.

விஜய் முன்பும், இப்போதும் எப்படி?
-
அவரிடம் எந்த மாற்றமும் என்னால் காண முடியவில்லை.
அழகிய தமிழ்மகனின் போது எப்படி இருந்தாரோ
அப்படியே சிறிதும் மாறாமல் இருக்கிறார்.

சமீபத்தில் என்னுடைய பிறந்தநாளை அவருடைய படப்
பிடிப்பில் அவர் முன் கேக் வெட்டி கொண்டாடினேன்.

என்னைக் கட்டிப்பிடித்து வெற்றிகள் தொடர வாழ்த்துக்கள்
என்று வாழ்த்தியது மறக்க முடியாதது. இந்தப் பட வாய்ப்பு
என் பிறந்த நாளுக்கு அவர் கொடுத்த கிஃப்ட்டாக நினைக்க
வைத்தது.
அவ்வளவு மகிழ்ச்சி. என்னை மனதார வாழ்த்திப் பேசினார்.

நாயகி கீர்த்தி சுரேஷ் – விஜய் கெமிஸ்ட்ரி எப்படி?

கீர்த்தி சுரேஷ் பெர்ஃபாமன்ஸ் நல்லா பண்றாங்க. சின்னச்
சின்ன க்யூட் ரியாக்ஷன்ஸ் நல்லா வெளிப்படுத்தியிருக்காங்க.
விஜய் சார் – கீர்த்தி சுரேஷ் காம்பினேஷன் நல்லா வந்திருக்கு.

விஜய் ஆக்ஷனும் கீர்த்தியோட ரியாக்ஷனும் சாதாரண
கெமிஸ்ட்ரி இல்ல, மாஸ்டர் பயோ கெமிஸ்ட்ரி பாடல்களை
வைரமுத்து எழுதியிருக்கார். சந்தோஷ் நாராயணன் மியூசிக்.
ஒரு பாடலை தனது இசையில் விஜய் பாட வேண்டும் என்பது
அவரது ஆசை.

படத்திற்கு டைட்டில் என்ன?
-
அனேகமாக கூடிய சீக்கிரத்தில் பெயர் அறிவிப்போம் என்றவர்,
எம்.ஜி.ஆர்., பாடல் ஒன்றை விசிலடித்தப்படி நடந்து செல்ல அதன்
அர்த்தம் நமக்குப் புரிந்தது.
-
எம்.ஜி.ஆர்., இரு வேடங்களில் நடித்த சூப்பர் ஹிட் படமான
எங்க வீட்டு பிள்ளை என்ற படத்தின் தலைப்பையே இதற்கும்
வைப்பார்கள். விஜய் ரசிகர்கள் வெடி போட இது ன்று போதாதா?
-
--------------------------------------------------
சபீதா ஜோசப்
குமுதும்