முள்ளங்கி பருப்பு

முள்ளங்கி பருப்பு

தேவையான பொருட்கள்;

முள்ளங்கி - 3
துவரம் பருப்பு - 100 கிராம்
பச்சை மிளகாய் - 2
இஞ்சி பூண்டு பேஸ்ட் - 1 டீஸ்பூன்
மஞ்சள், மிளகாய்த்தூள் - தலா கால் டீஸ்பூன்
தக்காளி சிறியது - 1
பெரிய வெங்காயம் -1 அல்லது சின்ன வெங்காயம் 10
தேங்காய் துருவல் - 2 டேபிள்ஸ்பூன்
எண்ணெய் - 1 டேபிள்ஸ்பூன்
கடுகு,உளுத்தம் பருப்பு - 1 டீஸ்பூன்
வற்றல் - 1
மல்லி கருவேப்பிலை - சிறிது
உப்பு - தேவைக்கு.


பருப்பை ஊற வைக்கவும்,முள்ளங்கி தக்காளி,வெங்காயம் நறுக்கி கொள்ளவும்.

ஒரு பாத்திரத்தில் பருப்பு, வேக தேவையான அளவு தண்ணீர் சேர்த்து வேக வைக்கவும்,விரைவில் வேகவும் பொங்கி வழியாமல் இருக்கவும் சிறிது எண்ணெய் சேர்க்கவும்.

மூடி கால் மணி நேரம் வேகவைக்கவும், குக்கரில் என்றால் 2 விசில் வைத்தால் போதும்.

பருப்பு வெந்து நன்கு மலர்ந்து வரும் .

அத்துடன் நறுக்கிய முள்ளங்கி,வெங்காயம்,தக்காளி,பச்சை மிளகாய்,இஞ்சி பூண்டு பேஸ்ட்,மஞ்சள் தூள்,மிளகாய்த்தூள் சேர்க்கவும்.

தேவைக்கு தண்ணீர் சேர்த்து வேக வைக்கவும்.

முள்ளங்கியும் பருப்பு நன்கு வெந்து வரும்,தேவைக்கு உப்பு சேர்க்கவும். நறுக்கிய மல்லி இலை,தேங்காய் துருவல் சேர்க்கவும்.பிரட்டி விடவும்.

ஒரு தாளிப்பு கரண்டியில் எண்ணெய் காயவிடவும்,கடுகு உளுத்தம் பருப்பு வெடிக்கவும்,வற்றல்,கருவேப்பிலை சேர்க்கவும்,சிறிது நறுக்கிய வெங்காயம் சேர்க்கவும்,லேசாக சிவறவும் வெந்த பருப்பு முள்ளங்கியில் கொட்டவும்.கலந்து பரிமாறவும்.இது கெட்டியாகவோ அல்லது கொஞ்சம் கூட்டு மாதிரியும் பரிமாறலாம்.

சுவையான முள்ளங்கி பருப்பு ரெடி,
ரசம்,ப்லைன் சாதத்துடன் பரிமாறவும்.

http://viyapu.com/

தகவலுக்கு நன்றி