அமெரிக்க ராணுவ ரகசியங்களை வலைதளத்தில் திருடியுள்ள சீனா

by விக்கி Sun Jun 02, 2013 7:52 pm

அமெரிக்காவின் ராணுவ ரகசியங்கள் அடங்கிய வலை தளத்தில், சீன மென்பொறியாளர்கள், 20க்கும் மேற்பட்ட போர் விமானங்களின், மாதிரி நகல்களை திருடியுள்ளனர்.

அமெரிக்காவின், ராணுவ ரகசியங்கள் அடங்கிய முக்கிய வலை தளத்தில், அந்நாட்டு போர் விமானங்களின் மாதிரி வடிவம் கொடுக்கப்பட்டுள்ளது. இந்த வலைதளம், அந்நாட்டு ராணுவ உயர் அதிகாரிகள் மட்டுமே காணும் வகையில், பலத்த பாதுகாப்புடன் வடிவமைக்கப்பட்டுள்ளது.

இந்நிலையில், இந்த வலை தளத்தை, சீன மென்பொறியாளர்கள், "ஹேக்' செய்துள்ளனர். மேலும், அதிலிருந்து, 20க்கும் மேற்பட்ட முக்கிய போர் விமானங்களின் மாதிரி நகல்களை திருடிய விவரமும் வெளியாகியுள்ளது. இத்தகவலை, அமெரிக்காவிலிருந்து வெளி வரும் "அமெரிக்கா போஸ்ட்' நிறுவனபத்திரிகை தெரிவித்துள்ளது. இதன் மூலம், அந்நாட்டு விமானங்களில் பயன்படுத்தப்படும் அதிநவீன யுக்திகளை தெரிந்து கொள்வதோடு, அவற்றை செயலிழக்கச் செய்யும் ஆய்விலும் சீனா ஈடுபடக் கூடும் என, அஞ்சப்படுகிறது.

இதே போல், ஆஸ்திரேலியாவின் உளவுப்படை அலுவலம் மற்றும் அதிகாரிகள் குடியிருப்பின் மாதிரியையும், சீனா திருடியுள்ளது. இதன் மூலம், அந்நாட்டு உளவுத்துறையில் எவ்வகை கட்டமைப்புகள் உள்ளன என்றும், அதன் செயல்பாடுகள் குறித்தும் சீனா நோட்டமிட்டுள்ளது. மேலும், உளவுத் துறையின் வலைதளமும் "ஹேக்' செய்யப் பட்டுள்ளது.சீனாவின் இந்த செயலுக்கு, ஆஸ்திரேலிய வெளியுறவுத் துறை அமைச்சர் பாப் கோர், கடும் கண்டனம் தெரிவித்து உள்ளார்.

by Muthumohamed Mon Jun 03, 2013 6:17 am

சீனா னா அப்படி தான் அவனுக பயங்கர மூளகாரனுவ

அமெரிக்க ராணுவ ரகசியங்களை வலைதளத்தில் திருடியுள்ள சீனா

அமெரிக்க ராணுவ ரகசியங்களை வலைதளத்தில் திருடியுள்ள சீனா

Re: அமெரிக்க ராணுவ ரகசியங்களை வலைதளத்தில் திருடியுள்ள சீனா