சோமாலியா கடற்கொள்ளையர்கள் முயற்சியை முறியடித்த இந்திய போர்க்கப்பல்

சோமாலியா கடற்பகுதியில் கடற்கொள்ளையர்களின் கொள்ளை முயற்சியை இந்திய போர்க்கப்பல் முறியடித்தது. ஏடன் வளைகுடாவில் சோமாலியா கடற்பகுதியில் 12 இந்திய சரக்கு கப்பல்கள் சென்று கொண்டு இருந்தது. கப்பல்களின் பாதுகாப்பிற்கு இந்திய கடற்படைக்கு சொந்தமான ஐ.என்.எஸ்., டில்லி கப்பல் சென்றது. அப்போது அங்கு வந்த கடற்கொள்ளையர்கள் இந்திய சரக்கு கப்பலை நோக்கி ஒரு படகில் வந்தனர். அவர்களை வேறு திசையில் செல்லுமாறு இந்திய போர்க்கப்பல் சார்பில் எச்சரிக்கை விடப்பட்டது. ஆனால் அதையும் மீறி கடற்கொள்ளையர்கள் கப்பலை நோக்கி வந்தனர். இதனையடுத்து இந்திய கப்பல் படையினர், கடல் கொள்ளையர்களின் படகை தடுத்து நிறுத்தி, படகில் இருந்த 8கொள்ளையர்களை சிறை பிடித்தனர். பின்னர் படகில் இருந்து ஏராளமான ஆயுதங்களையும் கைப்பற்றியுதடன், அளவுக்கு அதிகமாக இருந்த எரிபொருளையும் கடலில் கொட்டி, அவர்களை விடுவித்தனர். இதன்மூலம் கடற்கொள்ளையர்களின் பெரும் கொள்ளை சம்பவம் முறியடிக்கப்பட்டது.