குடைமிளகாய் மேகி

by mohaideen Fri Jul 26, 2013 2:03 pm

பொதுவாக மேகி செய்வது என்பது மிகவும் எளிது. அத்தகைய மேகியில் பல வெரைட்டிகள் உள்ளன. அவை அனைத்தும் விருப்பத்திற்கேற்றவையே. அதில் ஒன்று தான் வைட்டமின் சி அதிகம் உள்ள குடைமிளகாயை சேர்த்து செய்யப்படும் மேகி. இந்த மேகியை காலை வேளையில் அவசரத்திற்கு செய்து சாப்பிட்டால், நன்றாக இருக்கும்.

இப்போது அந்த குடைமிளகாய் மேகியின் செய்முறையைப் பார்ப்போம்.

தேவையான பொருட்கள்:

மேகி - 1 பாக்கெட்
வெங்காயம் - 1 (நறுக்கியது)
தக்காளி - 1 (நறுக்கியது)
குடைமிளகாய் - 1 (நறுக்கியது)
மிளகாய் தூள் - 1 டீஸ்பூன்
மேகி பொடி - 1 பாக்கெட்
உப்பு - தேவையான அளவு
எண்ணெய் - தேவையான அளவு
தண்ணீர் - 2 1/2 டம்ளர்

செய்முறை:

முதலில் ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், வெங்காயம் மற்றும் தக்காளியைப் போட்டு நன்கு 3-4 நிமிடம் வதக்க வேண்டும்.

பின்னர் நறுக்கி வைத்துள்ள குடைமிளகாயை சேர்த்து, 5 நிமிடம் வதக்க விட வேண்டும்.

பிறகு அதில் தண்ணீரை ஊற்றி, கொதிக்க விட வேண்டும். தண்ணீரானது கொதிக்க ஆரம்பித்ததும், அதில் மிளகாய் தூள், மேகி பொடி மற்றும் தேவையான அளவு உப்பு சேர்த்து மீண்டும் ஒரு கொதி விட வேண்டும்.

பின்பு மேகியை உடைத்து அதில் சேர்த்து கிளறி விட்டு, தீயை குறைவில் வைத்து தண்ணீர் வற்றும் வரை வேக வைத்து இறக்கினால், சூப்பரான குடைமிளகாய் மேகி ரெடி!!!

http://tamil.boldsky.com/recipes/veg/capsicum-maggi-003642.html