சிவகாசியில் பயங்கர தீ விபத்து

சிவகாசியில் வெடி விபத்தினால் பயங்கர தீ விபத்து 51பேர் பலி

ஆமாம் தொலைகாட்சியில் பார்த்து கொண்டு இருக்கிறேன் மிகவும் பயங்கரமாக இருக்கிறது

மிகவும் வேதனையான செய்தி

உலகத்தின் அழிவுகாலம் நெருங்கி விட்டதோ.........

chellam wrote:உலகத்தின் அழிவுகாலம் நெருங்கி விட்டதோ.........

அப்படியும் சொல்லலாம் செல்லம்

முதலிப்பட்டி: சிவகாசி அருகே பட்டாசு ஆலை ஓன்றில் ஏற்பட்ட வெடிவிபத்தில் 35 தொழிலாளர்கள் பரிதாபமாக உயிரிழந்தனர். சிவகாசி முதலிப்பட்டியில் உள்ள ஓம் சக்தி ஃபயர் ஒர்க்ஸ் ஆலையில் திடீர் தீ விபத்து ஏற்பட்டது. ஒரு பட்டாசு அறையில் பிடித்த தீ 45 அறைகளுக்கு அடுத்தடுத்து பரவியது. பட்டாசு தொடர்ந்து வெடிப்பதால் தீயணைப்பு வீரர்கள் அருகில் செல்ல முடியாமல் திணறி வருகின்றனர். தீ விபத்தின் போது ஆலையில் பணியிலிருந்த 184 பேரில் 50 பேர் தப்பினர். தீயை கட்டுப்படுத்த சம்பவ இடத்திற்கு 6 தீயணைப்பு வாகனங்கள் விரைந்துள்ளன.

50 பேர் மயக்கம்

வெடி விபத்தை வேடிக்கை பார்த்த 50க்கும் மேற்பட்ட பொதுமக்கள் மயங்கி விழுந்ததால் பெரும் பரபரப்பு ஏற்பட்டது. வெடி விபத்தை மக்கள் வேடிக்கை பார்த்த போது மூலப்பொருட்கள் வைத்திருந்த அறை வெடித்து சிதறியது. இந்த விபத்தை பார்த்து மயங்கி விழுந்த 20 பேர் சிகிச்சைக்காக மருத்துவமனையில் அனுமதிக்கப்பட்டனர்.

அமைச்சர்கள் விரைவு

வெடி விபத்து ஏற்பட்ட இடத்தை பார்வையிட அமைச்சர்கள் ஓ.பன்னீர்செல்வம், முனுசாமி, வைத்தியலிங்கம் உட்பட 5 அமைச்சர்கள் சம்பவ இடத்திற்கு செல்ல விரைந்துள்ளனர். இந்த கோர விபத்தின் காரணமாக ஏற்பட்டுள்ள இழப்புகளை அடுத்து முதல்வர் ஜெயலலிதாவும் சிவகாசிக்கு செல்லக் கூடும் என்று செய்தி வட்டாரங்கள் தெரிவிக்கின்றன.

78க்கும் மேற்பட்டோர் காயம்

இந்த கோர தீ விபத்தில் 60க்கும் மேற்பட்டோர் பலத்த காயமடைந்தனர். காயமடைந்தோர் சிகிச்சைக்காக விருதுநகர், சாத்தூர் மருத்துவமனைகளில் அனுமதிக்கப்பட்டுள்ளனர். பலத்த காயமடைந்தோர் மதுரை அரசு மருத்துவமனையில் அனுமதிக்கப்பட்டுள்ளனர்.

முதல்வர் ஜெ. இரங்கல்

பட்டாசு விபத்தில் உயிரிழந்தோர் குடும்பங்களுக்கு முதல்வர் ஜெயலலிதா இரங்கல் தெரிவித்துள்ளார். மேலும் விபத்தில் உயிரிழந்தேர் குடும்பங்களுக்கு தலா ரூ.2 லட்சமும், பலத்த காயமடைந்தோருக்கு ரூ.25 ஆயிரமும், லேசான காயமுற்றோருக்கு ரூ.10 ஆயிரமும் வழங்கப்படும் என்று உத்தரவிட்டுள்ளார்.

thinakaran

இறந்தவர்களின் ஆன்மா சாந்தியடைய இறைவனை பிரார்த்திக்கிறேன்

என் நண்பன் கருப்பசாமியின் சித்தப்பாவும் இந்த விபத்தில் சிக்கி இறந்துவிட்டார் என்பதை ஆழ்ந்த வருத்தத்துடன் தெரிவித்துக் கொள்கிறேன்.

chellam wrote:என் நண்பன் கருப்பசாமியின் சித்தப்பாவும் இந்த விபத்தில் சிக்கி இறந்துவிட்டார் என்பதை ஆழ்ந்த வருத்தத்துடன் தெரிவித்துக் கொள்கிறேன்.

அவருக்கு எனது ஆழ்ந்த இரங்கல்

chellam wrote:என் நண்பன் கருப்பசாமியின் சித்தப்பாவும் இந்த விபத்தில் சிக்கி இறந்துவிட்டார் என்பதை ஆழ்ந்த வருத்தத்துடன் தெரிவித்துக் கொள்கிறேன்.

அண்ணா அன்று என்னை பார்த்து பாட்டி கூறினார்களே அந்த கருப்பசாமி அண்ணாவா