மலேசியாவில் உள்ள பள்ளியில் பயங்கர தீ விபத்து : மாணவர்கள் உள்பட 25 பேர் பலி

கோலாலம்பூர் :
மலேசியா நாட்டின் தலைநகர் கோலாலம்பூரில்
ஜாலன் தாடக் கேராமத் என்ற பகுதியில்
தாருல் குரான் இட்டிபாகியா என்ற பெயரில் மத வழிபாட்டு
பள்ளி செயல்பட்டு வருகிறது.

இந்த பள்ளியில் இன்று அதிகாலை தீ விபத்து ஏற்பட்டது.
இதில் மாணவர்கள் உள்பட 25 பேர் உயிரிழந்தனர்.

இந்த தீ விபத்தில் 23 மாணவர்கள் மற்றும் 2 ஊழியர்கள்
உயிரிழந்தனர்.இன்று அதிகாலை 5.40 மணி அளவில் பற்றிய
தீயை அணைக்க தீயணைப்புத் துறையினர் முயற்சி செய்து
வருகின்றனர்.

பலியானவர்களின் உடல்கள் அருகிலுள்ள மருத்துவனைக்கு
கொண்டு செல்லப்பட்டதாக தகவல்கள் தெரிவிக்கின்றன.

பள்ளியில் தீ விபத்து ஏற்பட்டதற்கான காரணம் இன்னும்
வெளியாகவில்லை.
-
---------------------------------
தினகரன்