புத்திசாலி வேலைக்காரன்

ஒரு எஜமானுக்கு, அவரது சமையல்காரர் தினமும் கத்தரிக்காயில் சாம்பார், பொரியல், வறுவல், மசியல் என்று விதவிதமாக (ஆனால் எல்லாம் கத்தரிக்காயில்) அயிட்டங்களைச் சமைத்துப் பரிமாறி அசத்திக் கொண்டிருந்தார்.
தினமும் விதவிதமான கத்தரிக்காய் அயிட்டங்களை ருசித்துச் சாப்பிட்ட முதலாளி, ""எல்லா நாட்களிலும் கத்தரிக்காயே சமைக்கிறாயே.... ஏன்?'' என்று கேட்டார்.

""காய்களின் ராஜா, கத்தரிக்காய்தான். எனவேதான் அதன் மேல் பகுதி மீது கிரீடம் இருக்கிறது. வேறு எந்தக் காய்கறியின் மீதாவது, இது பேன்று கிரீடம் இருப்பதைப் பார்க்க முடியுமா முதலாளி? அதனால்தான் உயர்வான அந்தக் கத்தரிக்காயை தினமும் சமைக்கிறேன்'' என்றார்.

நாட்கள் பல சென்றன. தினமும் கத்தரிக்காய் சாப்பிட்டுச் சாப்பிட்டு எஜமானுக்கு அலுத்துப் போய்விட்டது.
""கத்தரிக்காயைப் பார்த்தாலே எனக்கு வாந்தி வருவது போல இருக்கிறது'' என்று சமையல்காரரிடம் கூறினார்.
சமையல்காரரும் உடனே, ""ஆமாம் எஜமான்... கத்தரிக்காய்தான் இருப்பதிலேயே மோசமான காய். அதனால்தான் அதன் தலை மீது ஆணி இருக்கிறது'' என்றார்.

எஜமானுக்குக் கோபம் வந்துவிட்டது. ""அன்று கத்தரிக்காயின் தலையில் கிரீடம் இருக்கிறது என்றாய். இன்று அதே கத்தரிக்காயின் தலையில் ஆணி இருக்கிறது என்கிறாயே!'' என்று கடு
கடுத்தார்.

"'நான் உங்க வேலைக்காரன் எஜமான்... நான் கத்தரிக்காயின் வேலைக்காரன் இல்லையே!'' என்றார் சமையல்காரர்.

-நாஞ்சில் சு.நாகராஜன்

ஹா ஹா நல்ல வேலைக்காரன் தான் ஜிங்சாங்

சின்ன கதை அருமை