முட்டைக்கோஸ் பொரியல்

by முழுமுதலோன் Tue Oct 01, 2013 10:35 am

முட்டைக்கோஸ் பொரியல்
தேவையான பொருட்கள்:
முட்டைக்கோஸ்- 1
தேங்காய்த்துருவல்- 2 டீஸ்பூன்
உப்பு- தேவையான அளவு
மஞ்சள்தூள்- சிறிதளவு
தாளிக்க- எண்ணெய்,கடுகு,வெள்ளை உளுத்தம்பருப்பு,மிளகாய் வற்றல்,கறிவேப்பிலை
செய்முறை
1.கோஸை நன்றாக அலம்பிக் கொண்டு பொடியாக நறுக்கி வைக்கவும்.
2.ஒரு வாணலியில் எண்ணெய் விட்டு கடுகு, வெள்ளை உளுத்தம்பருப்பு,கிள்ளிய 1/2 மிளகாய்வற்றல்,கறிவேப்பிலை ஆகியனவற்றைத் தாளிக்கவும்.
3.கடுகு வெடித்தவுடன் கோஸைச் சேர்த்து உப்பு,மஞ்சள்தூள் சேர்த்து சிறிது தண்ணீர் தெளித்து மூடி வைத்து வேக விடவும்.
4.அவ்வப்போது மூடியைத் திறந்து அடிப் பிடிக்காமல் கிளறி விடவும்.
5.கோஸ் வெந்தவுடன் தேங்காய்த்துருவலைச் சேர்த்து நன்றாகக் கிளறி விடவும்.
6.அடுப்பிலிருந்து இறக்கி வேறொரு பாத்திரத்திற்கு மாற்றவும்.
கூடுதல் குறிப்புகள்:
1.முட்டைக்கோஸில் இல்லாத சத்துக்களே இல்லை எனலாம், அடிக்கடி முட்டைக்கோஸை உணவில் சேர்ப்பது நல்லது.
2.தாளிசத்தின் போது கடலைப்பருப்பு சேர்க்க விரும்புவர்கள் சேர்க்கலாம்.
3.மஞ்சள் தூள் சேர்க்காமலும் கோஸ் பொரியல் செய்யலாம். கோஸைத் துருவியும், அதனுடன் கேரட் சேர்த்தும் பொரியல் செய்யலாம்.
4.தேங்காய்த் துருவலைக் கடைசியில் சேர்க்க பொரியல் கமகமக்கும்.
5.சிறிது தண்ணீர் தெளித்து தான் இந்தப் பொரியலைச் செய்ய வேண்டும். அதிகம் தண்ணீர் விட்டு விட்டால் பொரியலின் கணிசம் குறைந்து விடும்.
http://kayasandigai.wordpress.com