பாகற்காய் பொரியல்

by நாஞ்சில் குமார் Fri Dec 19, 2014 9:03 pm

என்னென்ன தேவை?

பாகற்காய் - 1/4 கிலோ,
வெங்காயம் - 1,
தக்காளி - 1,
இஞ்சி-பூண்டு விழுது - சிறிதளவு,
மிளகாய் தூள், தனியா தூள் - இரண்டும் சேர்த்து 2 டீஸ்பூன்,
புளி - சிறிதளவு, மஞ்சள் தூள் - 1/4 டீஸ்பூன்,
வறுத்த வேர்க்கடலை - 10 கிராம்,
உப்பு, எண்ணெய் - தேவையான அளவு.

எப்படிச் செய்வது?

பாகற்காயை இரண்டாக நறுக்கி மத்தியில் உள்ள விதைகளை நீக்கி, புளி தண்ணீரில் 30 நிமிடங்கள் ஊற வைக்கவும். பாகற்காய், எண்ணெய், உப்பு தவிர மேலே கொடுத்துள்ள அனைத்து பொருட்களையும் சேர்த்து விழுதாக அரைத்துக் கொள்ளவும். விழுதை பாகற்காயின் உள்ளே வைத்து எண்ணெய் விட்டு நன்றாக வதக்கவும். வதங்கியவுடன் உப்பு சேர்த்து சூடான சாதத்துடன் பரிமாறவும்.

- தினகரன்