தினமும் ஒரு குறள்

by ஸ்ரீராம் Wed Sep 12, 2012 11:34 pm

First topic message reminder :

அதிகாரம் : கடவுள் வாழ்த்து
குறள் : 1

அகர முதல எழுத்தெல்லாம் ஆதி
பகவன் முதற்றே உலகு.

பொருள்: எழுத்துக்கள் எல்லாம் அகரத்தை அடிப்படையாக கொண்டிருக்கின்றன. அதுபோல உலகம் கடவுளை அடிப்படையாக கொண்டிருக்கிறது.

by ஸ்ரீராம் Sun Apr 07, 2013 10:06 pm

அதிகாரம் : வெஃகாமை
குறள் : 174

இலமென்று வெஃகுதல் செய்யார் புலம்வென்ற
புன்மையில் காட்சி யவர்.

பொருள் : ஐம்புலன்களையும் வென்ற குற்றமில்லாத அறிவை உடையவர், யாம் வறுமை அடைந்தோம் என்று எண்ணியும் பிறர் பொருளை விரும்பார்.

by முரளிராஜா Mon Apr 08, 2013 7:21 am

நல்லதொரு குறள்

by கவியருவி ம. ரமேஷ் Mon Apr 08, 2013 7:23 am

வேறு தளத்தில் திருக்குறள் சென்ரியூக்கள் எழுதி வந்தேன் அதை பின்னர் தொடராகப் பதிவிடுகிறேன்.

by ஸ்ரீராம் Mon Apr 08, 2013 9:45 am

கவியருவி ம. ரமேஷ் wrote:வேறு தளத்தில் திருக்குறள் சென்ரியூக்கள் எழுதி வந்தேன் அதை பின்னர் தொடராகப் பதிவிடுகிறேன்.

அவசியம் எதிர்பார்க்கிறோம் கவிஞரே.

by ஸ்ரீராம் Mon Apr 08, 2013 9:45 am

அதிகாரம் : வெஃகாமை
குறள் : 175

அஃகி அகன்ற அறிவென்னாம் யார்மாட்டும்
வெஃகி வெறிய செயின்.

பொருள் : யாரிடத்திலும் பொருளைக் கவர விரும்பிப் பொருந்தாதவற்றைச் செய்தால், நுட்பமானதாய் விரிவுடையதாய் வளர்ந்த அறிவால் பயன் என்ன?.

by கவியருவி ம. ரமேஷ் Mon Apr 08, 2013 2:53 pm

ஸ்ரீராம் wrote:
கவியருவி ம. ரமேஷ் wrote:வேறு தளத்தில் திருக்குறள் சென்ரியூக்கள் எழுதி வந்தேன் அதை பின்னர் தொடராகப் பதிவிடுகிறேன்.

அவசியம் எதிர்பார்க்கிறோம் கவிஞரே.

மகிழ்ச்சி நண்பரே... இன்றே தொடங்கி விடுகிறேன் புது திரியை... நீங்களும் - இத்தளத்தில் இருப்பவர்களும் தொடர்ந்து திருக்குறள் சென்ரியூக்கள் எழுத முன் வரவேண்டும் என்று கேட்டுக்கொள்கிறேன்...

by ஸ்ரீராம் Thu Apr 11, 2013 12:56 pm

அவசியம் வருகிறோம் கவிஞரே... கொண்டாட்டம்

by ஸ்ரீராம் Thu Apr 11, 2013 12:58 pm

அதிகாரம் : வெஃகாமை
குறள் : 176

அருள்வெஃகி ஆற்றின்கண் நின்றான் பொருள்வெஃகிப்
பொல்லாத சூழக் கெடும்.

பொருள் : அருளை விரும்பி அறநெறியில் நின்றவன், பிறனுடைய பொருளை விரும்பிப் பொல்லாத குற்றங்களை எண்ணினால் கெடுவான்.

by ஸ்ரீராம் Thu Apr 11, 2013 12:59 pm

அதிகாரம் : வெஃகாமை
குறள் : 177

வேண்டற்க வெஃகியாம் ஆக்கம் விளைவயின்
மாண்டற் கரிதாம் பயன்.

பொருள் : பிறர் பொருளைக் கவர விரும்புவதால் ஆகும் ஆக்கத்தை விரும்பாதிருக்க வேண்டும்; அது பயன் விளைவிக்கும்போது அப்பயன் நன்மையாவது அரிதாகும்.

by ஸ்ரீராம் Fri Apr 12, 2013 10:17 am

அதிகாரம் : வெஃகாமை
குறள் : 178

அஃகாமை செல்வத்திற்கு யாதெனின் வெஃகாமை
வேண்டும் பிறன்கைப் பொருள்.

பொருள் : ஒருவனுடைய செல்வத்திற்குக் குறைவு நேராதிருக்க வழி எது என்றால், அவன் பிறனுடைய கைப்பொருளை விரும்பாதிருத்தலாகும்.

by ஸ்ரீராம் Sat Apr 13, 2013 9:25 am

அதிகாரம் : வெஃகாமை
குறள் : 179

அறனறிந்து வெஃகா அறிவுடையார்ச் சேரும்
திறன்அறிந் தாங்கே திரு.

பொருள் : அறம் இஃது என்று அறிந்து பிறர் பொருளை விரும்பாத அறிவுடையாரைத் திருமகள் தான் சேரும் திறன் அறிந்து அதற்கு ஏற்றவாறு சேர்வாள்.

by ஸ்ரீராம் Sun Apr 14, 2013 10:46 am

அதிகாரம் : வெஃகாமை
குறள் : 180

இறலீனும் எண்ணாது வெஃகின் விறல்ஈனும்
வேண்டாமை என்னுஞ் செருக்கு.

பொருள் : வி‌ளைவை எண்ணாமல் பிறர் பொருளை விரும்பினால் அஃது அழிவைத் தரும்; அப்பொருளை விரும்பாமல் வாழும் பெருமை வெற்றியைத் தரும்.

by ஸ்ரீராம் Mon Apr 15, 2013 9:44 am

அதிகாரம் : புறங்கூறாமை
குறள் : 181

அறங்கூறான் அல்ல செயினும் ஒருவன்
புறங்கூறான் என்றல் இனிது.

பொருள் : ஒருவன் அறத்தைச் சொல்லாமல் பாவமே செய்தாலும், அடுத்தவரைப் பற்றிப் புறம் பேசமாட்டான் என்றால் அதுவே அவனுக்கு நல்லது.

by ஸ்ரீராம் Tue Apr 16, 2013 6:20 pm

அதிகாரம் : புறங்கூறாமை
குறள் : 182

அறனழீஇ அல்லவை செய்தலின் தீதே
புறனழீஇப் பொய்த்து நகை.

பொருள் : அறத்தை அழித்துப் பேசி அறமல்லாதவைகளைச் செய்வதை விட, ஒருவன் இல்லாதவிடத்தில் அவனைப் பழித்துப் பேசி நேரில் பொய்யாக முகமலர்ந்து பேசுதல் தீமையாகும்.

by முரளிராஜா Tue Apr 16, 2013 7:32 pm

குறள் பகிர்வுக்கு நன்றி ஸ்ரீ ராம்

by இம்சை அரசன் Tue Apr 16, 2013 8:06 pm

பகிர்வுக்கு நன்றி ஸ்ரீராம்

by ஸ்ரீராம் Wed Apr 17, 2013 11:14 am

அதிகாரம் : புறங்கூறாமை
குறள் : 183

புறங்கூறிப் பொய்த்துயிர் வாழ்தலின் சாதல்
அறங்கூற்றும் ஆக்கத் தரும்.

பொருள் : புறங்கூறிப் பொய்யாக நடந்து உயிர் வாழ்தலை விட, அவ்வாறு செய்யாமல் வறுமையுற்று இறந்து விடுதல், அறநூல்கள் சொல்லும் ஆக்கத்தைத் தரும்.

by ஸ்ரீராம் Fri Apr 19, 2013 12:07 pm

அதிகாரம் : புறங்கூறாமை
குறள் : 184

கண்ணின்று கண்ணறச் சொல்லினும் சொல்லற்க
முன்னின்று பின்நோக்காச் சொல்.

பொருள் : எதிரே நின்று கண்ணோ‌ட்டம் இல்லாமல் கடுமையாகச் சொன்னாலும் சொல்லலாம்; நேரில் இல்லாதபோது பின் விளைவை ஆராயாத சொல்லைச் சொல்லக்கூடாது.

by ஸ்ரீராம் Fri Apr 19, 2013 12:08 pm

அதிகாரம் : புறங்கூறாமை
குறள் : 185

அறஞ்சொல்லும் நெஞ்சத்தான் அன்மை புறஞ்சொல்லும்
புன்மையாற் காணப் படும்.

பொருள் : அறத்தை நல்லதென்று போற்றும் நெஞ்சம் இல்லாததன்மை, ஒருவன் மற்றவனைப் பற்றிப் புறங்கூறுகின்ற சிறுமையால் காணப்படும்.

by முரளிராஜா Fri Apr 19, 2013 1:29 pm

பகிர்வுக்கு நன்றி ஸ்ரீராம்

by ஸ்ரீராம் Sat Apr 20, 2013 1:50 pm

அதிகாரம் : புறங்கூறாமை
குறள் : 186

பிறன்பழி கூறுவான் தன்பழி யுள்ளும்
திறன்தெரிந்து கூறப் படும்.

பொருள் : மற்றவனைப் பற்றிப் புறங்கூறுகின்றவன், அவனுடைய பழிகள் பலவற்றிலும் நோகத்தக்கவை ஆராய்ந்து கூறிப் பிறரால் பழிக்கப்படுவான்.

by முரளிராஜா Sat Apr 20, 2013 2:37 pm

குறள் பகிர்வுக்கு நன்றி ஸ்ரீ ராம்

by ஸ்ரீராம் Sun Apr 21, 2013 9:14 am

அதிகாரம் : புறங்கூறாமை
குறள் : 187

பகச்சொல்லிக் கேளிர்ப் பிரிப்பர் நகச்சொல்லி
நட்பாடல் தேற்றா தவர்.

பொருள் : மகிழும்படியாகப் பேசி நட்புக் கொள்ளுதல் நன்மை என்று தெளியாதவர் தம்மை விட்டு நீங்கும்படியாகப் புறம் கூறி நண்பரையும் பிரித்து விடுவர்.

by முரளிராஜா Sun Apr 21, 2013 10:46 am

குறள் பகிர்வுக்கு நன்றி ஸ்ரீ ராம்

by முழுமுதலோன் Sun Apr 21, 2013 11:05 am

நாலும் இரண்டும் அமர்க்களத்தின் தனி சிறப்பு !!

by Sponsored content

தினமும் ஒரு குறள்

தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்