எம்.பி., - எம்.எல்.ஏ.,வுக்கு ரூ.10 ஆயிரம் பரிசு: கிராம மக்களின் புதுமை போராட்டம்

உ.பி.,யில் உள்ள ஒரு கிராம மக்கள், அடிப்படை வசதிகளை நிறைவேற்றித் தராமல், "டிமிக்கி' கொடுக்கும் மக்கள் பிரதிநிதிகளுக்கு பாடம் கற்பிக்கும் வகையில், புதுமையான போராட்டத்தை துவக்கியுள்ளனர். "எங்கள் தொகுதி, எம்.பி., மற்றும் எம்.எல்.ஏ., எங்கள் கிராமத்துக்கு வந்தால், அவர்களுக்கு, 10 ஆயிரம் ரூபாய் பரிசு வழங்கப்படும்' என, நோட்டீஸ் அடித்து, வீதிக்கு வீதி ஒட்டியுள்ளனர்.

உ.பி.,யின் அலகாபாத் மாவட்டத்தில், பகோல்வா என்ற கிராமம் உள்ளது. இங்கு, நீண்ட நாட்களாக, எந்த அடிப்படை வசதியும் இல்லை. இந்த கிராமத்தை, மாநிலத்தின் மற்ற பகுதிகளுடன் இணைப்பது, ஒரே ஒரு சாலை மட்டுமே. இந்த சாலையும், பல ஆண்டுகளாக சீரமைக்கப்படாமல், குண்டும் குழியுமாக உள்ளது. இதனால், இந்த கிராமத்துக்கு வருவதற்கு, வாகன ஓட்டிகள் தயங்குகின்றனர். அவசர காலங்களில் மருத்துவமனைக்குச் செல்வதும், இந்த கிராம மக்களுக்கு சிம்ம சொப்பனம் தான். இங்கு, ஒரே ஒரு ஆரம்பப் பள்ளி உள்ளது.

மோசமான சாலையை காரணம் காட்டி, எந்த ஆசிரியரும், இங்கு பணியாற்ற முன்வரவில்லை. கடந்த லோக்சபா மற்றும் சட்டசபை தேர்தல் பிரசாரங்களின் போது, இந்த கிராமத்துக்கு ஓட்டு கேட்டு வந்தவர்கள், சாலை உள்ளிட்ட அடிப்படை வசதிகளை நிறைவேற்றித் தருவதாக உறுதி அளித்தனர். தேர்தலில் வெற்றி பெற்ற பின், இந்த கிராமத்து பக்கம், அவர்கள் எட்டிக் கூட பார்க்கவில்லை. இதனால், ஆத்திரமடைந்த மக்கள், தங்களின் எம்.பி., மற்றும் எம்.எல்.ஏ.,க்களுக்கு, பாடம் கற்பிக்க திட்டமிட்டனர். இதன்படி, கிராமத்தில் உள்ள அனைத்து வீதிகளிலும், "எங்களின் எம்.பி.,யும், எம்.எல்.ஏ.,வும், இந்த கிராமத்துக்கு வந்தால், அவர்களுக்கு, 10 ஆயிரம் ரூபாய் பரிசளிக்கப்படும்' என, நோட்டீஸ் அடித்து ஒட்டியுள்ளனர்.

பரிசளிப்பதற்காக, நிதி வசூலிக்கும் பணியில், கிராம மக்கள், தற்போது மும்முரமாக ஈடுபட்டுள்ளனர். இந்த தொகுதியின், எம்.பி.,யாக, ரேவதி ராமன் சிங்கும், எம்.எல்.ஏ.,வாக, அஜய் குமாரும், பதவி வகித்து வருகின்றனர். இருவருமே, உ.பி.,யில் ஆளும் கட்சியாக உள்ள சமாஜ்வாதி கட்சியைச் சேர்ந்தவர்கள். கிராம மக்கள் கூறுகையில், "எம்.பி., மற்றும் எம்.எல்.ஏ., மட்டுமல்ல, முதல்வர், அமைச்சர்கள் உட்பட, எங்கள் கிராமத்துக்கு வரும் அனைத்து தலைவர்களுக்கும், பரிசு உண்டு' என்றனர்.

net

நம்ம ஊர் அரசியல்வாதிகளா இருந்தா இந்நேரம் அந்த தொகைய வாங்க வந்திருப்பாங்க

இது கூட நல்லா இருக்கே.

வரும் அனைத்து தலைவர்களுக்கும் செருப்படி உண்டுன்னு தெள்ளத்தெளிவா சொல்லியிருக்காங்க அது கூட தெரிஞ்சுக்காம அங்க போகப்போறாங்க எம்.எல்.ஏ

Chellam wrote:வரும் அனைத்து தலைவர்களுக்கும் செருப்படி உண்டுன்னு தெள்ளத்தெளிவா சொல்லியிருக்காங்க அது கூட தெரிஞ்சுக்காம அங்க போகப்போறாங்க எம்.எல்.ஏ

அண்ணா அடுத்த தேர்தல்ல பேசாம நிங்களும் ஜெயம் அண்ணா நின்னுன்களேன்