பாகற்காய் சம்பல்

தேவையானவை:

பாகற்காய் 1
வெங்காயம் 1
மிளகாய் 2
தேசிக்காய் புளி 3 தே.க
உப்பு

செய்முறை:

1. பாகற்காயை விரும்பியபடி வெட்டி எடுத்துக்கொள்ளுங்க. பாதியாகவும் வெட்டலாம். அது பிடிக்கலேன்னா வட்டம் வட்டமா வெட்டுங்க. ஆனால் எப்படி வெட்டினாலும் மெல்லிசா இருக்கணும்.
2. வெட்டிய துண்டுகளை நீரில் நன்றாக அலசி, நீரை வார விடுங்க.
3. பாகற்காயில் நீர் வாரும் நேரத்தில், வெங்காயம், பச்சை மிளகாயை சிறிதாக அரிந்து எடுத்துக்கொள்ளுங்க.
4. ஒரு சட்டியில் எண்ணெயை சூடாக்கி பாகற்காயை பொரித்து எடுக்க வேணும். கருக விடாம பக்கத்தில நின்று பார்த்து சரியான பதத்தில எடுக்கணும். பக்கத்தில போக சொல்லிட்டன் என்று, ரொம்ப பக்கம் போகாதிங்க. இப்பவே சொல்லிட்டன்.
5. பொரித்த பாகற்காய், சிறிதாக அரிந்த வெங்காயம், மிளகாய், புளியுடன் தேவையான அளவு உப்பும் சேர்த்து நன்றாக கலக்கி எடுங்க. இப்போ உங்க பாகற்காய் சம்பல் ஆயத்தம் ஆகிவிட்டது.

மாற்ற கூடியவை:
* தயிரும் சேர்க்கலாம்
* சிறிதாக அரிந்த கறிவேப்பிலை சேர்க்கலாம்
* தேசிக்காய் புளியை குறைத்து, தக்காளி அரிந்து சேர்க்கலாம்.